كوروناۆيرۋسپەن ءۇي كارانتينىندە جاتقان ادامداردى قازاقستان رەسپۋبليكاسىنىڭ دەنساۋلىق ساقتاۋ مينيسترلىگى مىنا نۇسقاۋلىقتاردى ورىنداۋعا شاقىردى:
- ۇيدەن شىقپاۋ؛
- ەسىگى جابىق جەكە، جاقسى جەلدەتىلەتىن بولمەدە بولۋ. تەك قاجەتتى راسىمدەر ءۇشىن جانە قىسقا ۋاقىتقا عانا بولمەدەن شىعۋعا رۇقسات ەتىلەدى، بۇل رەتتە اۋىز بەن مۇرىن ماسكامەن جابىلۋى ءتيىس؛
- ۆيرۋستىڭ تارالۋىن بولدىرماۋ ءۇشىن تۇشكىرگەندە نەمەسە جوتەلگەندە اۋىز بەن مۇرىندى ءبىر رەت قولدانىلاتىن قول ورامالىمەن نەمەسە شىنتاقتى بۇگىپ جابۋ. وسىدان كەيىن قولدى سابىنمەن جۋۋ نەمەسە سپيرت نەگىزىندەگى انتيسەپتيكالىق زاتپەن دەزينفەكسيالاۋ؛
- قولدى سابىنمەن جۋۋ نەمەسە تاماق دايىنداعانعا دەيىن جانە ودان كەيىن، تاماق الدىندا جانە دارەتحانانى پايدالانعانعا دەيىن جانە ودان كەيىن سپيرت نەگىزىندەگى انتيسەپتيكالىق زاتپەن دەزينفەكسيالاۋ. قولدى ءسۇرتۋ ءۇشىن ءبىر رەت قولدانىلاتىن سۋلىقتاردى پايدالانعان دۇرىس؛
- مۇمكىندىگىنشە جەكە دارەتحانانى پايدالانۋ؛
- تەمپەراتۋرا نەمەسە رەسپيراتورلىق سيمپتومدار پايدا بولعان كەزدە جانە كەز-كەلگەن مەديسينالىق پروبلەما بولعان كەزدە كارانتين تۋرالى حابارلاي وتىرىپ جانە جۇگىنۋ سەبەبىن كورسەتە وتىرىپ، كۆي بويىنشا كولل-ورتالىققا نەمەسە جەدەل جاردەمگە قوڭىرۋ شالۋ.
كوروناۆيرۋسقا بايلانىستى رەسمي اقپاراتتى ۆەب-سايتتان جانە دەنساۋلىق ساقتاۋ مينيسترلىگىنىڭ Facebook-تەگى رەسمي پاراقشاسىنان بىلە الاسىزدار. سۇراقتار بويىنشا 1406 نومىرىنە قوڭىراۋ شالىڭىز.
پىكىر قالدىرۋ