مەملەكەت باسشىسىنىڭ باستاماسىمەن قولعا الىنعان «ءبىز بىرگەمىز!» رەسپۋبليكالىق اكسياسى اياسىندا ەلباسىنىڭ تاپسىرماسى بويىنشا «Nur Otan» پارتياسى مەن تۇڭعىش پرەزيدەنت قورى كوروناۆيرۋس كەزەڭىندە حالىقتىڭ الەۋمەتتىك ءالسىز توپتارىنا قولداۋ كورسەتۋ ءۇشىن قاراجات ءبولدى. بۇل تۋرالى «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك facebook پاراقشاسىندا حابارلادى. 
⠀
"تەك سوڭعى 6 كۇندە بۇكىل ەل كولەمىندە 11 600-دەن استام وتباسىعا 214 ملن. تەڭگەگە كومەك كورسەتىلدى.
⠀
جالعىز باستى قارتتارعا، تۇرمىسى تومەن كوپبالالى وتباسىلارعا، ەرەكشە قاجەتتىلىكتەرى بار ازاماتتار مەن باسقا دا مۇقتاج جاندارعا الەۋمەتتىك پاكەتتەردى بايلانىسسىز ۇلەستىرىپ بەرۋگە ەرىكتى تۇردە اتسالىسىپ جۇرگەن «Jas Otan» ۆولونتەرلارى مەن بەلسەندى نۇروتاندىقتارعا العىس ايتامىن" دەلىنگەن جازبادا.