ق ر ىشكى ىستەر ءمينيسترى ەرلان تۇرعىمبايەۆ ورتالىق كوممۋنيكاسيالار قىزمەتىندە وتكەن بريفينگتە كوروناۆيرۋس تۋرالى جالعان اقپارات تاراتقان فاكتىلەردىڭ جالعاسىپ جاتقانىن  ايتتى. بۇل تۋرالى كazinform حابارلادى.

– فەيك جاڭالىق اۆتورلارى ناقتى ەلدىمەكەندەر مەن مەديسينالىق ۇيىمداردىڭ اتىن جازىپ، اۋرۋ جۇقتىرىپ، قايتىس بولعانداردىڭ سانىن ويلاپ تابادى جانە جوق تىيىمداردى ايتادى. 25 ناۋرىز كۇنى كوكشەتاۋ قالاسىندا كورەيادان اۋرۋ جۇقتىرىپ كەلگەن ناۋقاستاردىڭ اقمولا وبلىسىندا جاتقانى تۋرالى جالعان حابار تاراتقان توپ ۇستالدى، – دەدى مينيستر.

29 ناۋرىزدا اتىراۋ وبلىسىندا الەۋمەتتىك جەلىدە تارالعان 3 جالعان اقپارات تابىلدى.

– جالعان اڭگىمەلەردى تاراتۋ ارقىلى بۇل ادامدار حالىقتى ۇرەيلەندىرىپ ءجۇر. قازىرگى ۋاقىتتا جالعان حابار تاراتۋ بويىنشا 45 فاكتى انىقتالدى. بارلىق كىنالىلەر تابىلىپ، سوتقا دەيىنگى تەرگەۋ ءجۇرىپ جاتىر، – دەدى ە. تۇرعىمبايەۆ.