توتەنشە جاعداي كەزىندە تابىسىنان ايىرىلعان ازاماتتارعا بەرىلەتىن الەۋمەتتىك تولەمدى (42500 تەڭگە) الۋ شارتتارى جەڭىلدەتىلدى.

ەندى توتەنشە جاعداي سالدارىنان كىرىستى جوعالتقانىن راستايتىن قۇجاتتاردى ۇسىنۋ قاجەت ەمەس. باستى شارت – مەملەكەتتىك الەۋمەتتىك ساقتاندىرۋ قورىنا سوڭعى 12 ايدا كەمىندە 1 رەت الەۋمەتتىك تولەم جاسالىنعان بولۋى كەرەك.

ادەتتە رەسمي جۇمىس ىستەگەن ازاماتتاردىڭ بارلىعىندا دەرلىك ول تولەم جۇمىس بەرۋشى تاراپىنان تولەنەدى.

وتىنىمدەردى قاراۋ جانە الەۋمەتتىك تولەمدى تاعايىنداۋ مەرزىمى 3 جۇمىس كۇنى.

ەلەكتروندىق-سيفرلىق قولتاڭباسى (ەسپ) بار ازاماتتار ءوتىنىم قالدىرۋدى تومەندەگى بەينەنۇسقاۋلىقتى كورىپ، ۇيرەنە الادى.

ال ەلەكتروندىق-سيفرلىق قولتاڭباسى جوق ازاماتتار ءۇشىن ونى ۇيدەن شىقپاستان الۋ مۇمكىندىگى قاراستىرىلعان. 

بۇرىن-سوڭدى ەلەكتروندىق سيفرلىق قولتاڭباسى بولماعان، موبيلدىك ازاماتتار بازاسىنا تىركەلمەگەندەر ءۇشىن مىنا ۆيدەونۇسقاۋلىق ۇسىنىلادى.

ال ەلەكتروندىق ۇكىمەت پورتالىنىڭ موبيلدىك قوسىمشاسىن پايدانۋشىلار ياعني موبيلدىك ازاماتتار بازاسىنا تىركەلگەندەرگە ەلەكتروندىق-سيفرلىق قولتاڭبانى الۋ ءۇشىن تومەندەگى نۇسقاۋلىق بويىنشا ارەكەت ەتۋى قاجەت.

جاڭا الەۋمەتتىك تولەمدى توتەنشە جاعدايعا بايلانىستى جۇمىسىنان شىعارىلعان، اقىسىز ەڭبەك دەمالىسىنان شىققان ورتا، شاعىن جانە ميكروبيزنەس سۋبەكتىلەرىنىڭ قىزمەتكەرلەرى، توتەنشە جاعداي سالدارىنان جۇمىسى توقتاپ قالعان جەكە كاسىپكەرلەر، جەكە پراكتيكامەن (جپ) اينالىساتىن ادامدار (نوتاريۋس، جەكە سوت ورىنداۋشىسى، ادۆوكات، كاسىبي مەدياتور)، الەۋمەتتىك ساقتاندىرۋ قورىنا ءبىرىڭعاي جيىنتىق تولەمدى تولەۋشىلەر، ازاماتتىق-قۇقىقتىق كەلىسىمشارتتار نەگىزىندە جۇمىس ىستەيتىندەر، كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى الا الادى.

جاردەماقىعا اتالعان قىزمەتكەرلەردىڭ مەملەكەتتىك الەۋمەتتىك ساقتاندىرۋ قورىنا سوڭعى 1 جىلدا كەمىندە 1 رەت الەۋمەتتىك تولەم جاساعاندارى ۇمىتكەر اتانادى.