ەلباسىنىڭ باسپا ءسوز حاتشىسى ايدوس ۇكىباي نۇرسۇلتان نازاربايەۆتىڭ دەنساۋلىعى تۋرالى قاۋەسەتتى جوققا شىعاردى.
"قاتاڭ كارانتين جاعدايىندا ەلباسىنىڭ جۇمىس كابينەتىنە ادام كىرگىزۋ شەكتەلۋ كەرەكتىگىن ءتۇسىنۋ قاجەت. الايدا شەكتەۋلەرگە قاراماستان، باسپا ءسوز قىزمەتى حالىقتى تۇڭعىش پرەزيدەنتتىڭ قىزمەتى تۋرالى ۋاقتىلى حاباردار ەتۋگە تىرىسادى. ءبىز ەشقاشان قاۋەسەتتەرگە تۇسىنىكتەمە بەرمەيمىز. الايدا سوڭعى ۋاقىتتا جەكەلەگەن تۇلعالار ەلدەگى جاعدايدى تۇراقسىزداندىرۋ بويىنشا، سونىڭ ىشىندە ەلباسىنىڭ دەنساۋلىعىنا قاتىستى جالعان دەرەكتەردى تاراتۋ ارقىلى بەلسەندى ارەكەت جاساپ جاتىر. مۇنىڭ ءبارى ارانداتۋشىلىق جانە وتىرىك.
نۇرسۇلتان نازاربايەۆتىڭ دەنساۋلىعى جاقسى ەكەنىنە سەندىرگىم كەلەدى، ول كارانتين جاعدايىندا دا وتان يگىلىگى ءۇشىن جۇمىسىن جالعاستىرا بەرەدى. ال كىمدە-كىم كۇماندانسا، وندا كەشە ەلباسى سويلەسكەن كەز كەلگەن اكىمنەن بۇل تۋرالى سۇراۋعا بولادى"، - دەپ حابارلادى ايدوس ۇكىباي.
پىكىر قالدىرۋ