بۇل ەمحانا كوروناۆيرۋس ىندەتىن جۇقتىرۋى ىقتيمال جانە ناۋقاس ادامدارمەن بايلانىستا بولعان جاندارعا ارنالادى. بۇل تۋرالى الماتى قالاسىنىڭ اكىمى باقىتجان ساعىنتايەۆ ءوزىنىڭ Instagram پاراقشاسىندا حابارلادى.
– بۇگىن ەمحانانىڭ قۇرىلىسى باستالعان الاڭدا بولدىم. بۇل ەمحانا كوروناۆيرۋس ىندەتىن جۇقتىرۋى ىقتيمال جانە ناۋقاس ادامدارمەن بايلانىستا بولعان جاندارعا ارنالادى. تەز سالىناتىن مودۋلدى قۇرىلىس جابدىعىنان بوي كوتەرەتىن كارانتين ورتالىعى 280 ادامعا ەسەپتەلگەن. سونىڭ ىشىندە 28ء-ى قارقىندى تەراپيا بولىمشەسىنە ارنالادى، – دەدى ب. ساعىنتايەۆ.
ول ەمحانانى سالۋ تۋرالى شەشىم ۆيرۋس پاندەمياسىنا تاپ بولعان باسقا ەلدەردىڭ تاجىريبەسى ءارى مامانداردىڭ ۇسىنىسى نەگىزىندە قابىلدانعانىن اتاپ ءوتتى.
– بۇل – ىندەتتى دەر كەزىندە انىقتاپ، ونى وقشاۋلاۋعا جانە ىندەتتى جۇقتىرۋشىنى ەمدەۋگە مۇمكىندىك بەرەدى. وسىلايشا ءبىز اۋرۋدىڭ تارالۋ ءقاۋپىن ايتارلىقتاي تومەندەتىپ، قالاداعى ەپيدەميولوگيالىق جاعدايدى تۇراقتاندىرا الامىز، – الماتى قالاسىنىڭ اكىمى باقىتجان ساعىنتايەۆ.
پىكىر قالدىرۋ