قازاقستاندا كوروناۆيرۋستى تاعى 25 ادام جۇقتىرىپ، ءبىر ادام قايتىس بولدى. ىندەتتەن كوز جۇمعاندار سانى 5-كە جەتىپ وتىر. ۆيرۋس انىقتالعانداردىڭ جالپى سانى –  525.

قايتىس بولعان 1947 جىلعى ەر ادام اقمولا وبلىسى سەلينوگراد اۋدانىنىڭ تۋماسى.

قازاقپاراتتىڭ جازۋىنشا، 1 ناۋرىزدا ناۋقاستىڭ جاعدايى ناشارلاپ، تىنىس الۋ، جۇرەك-تامىر قىزمەتىنىڭ جەتكىلىكسىزدىگى جوعارىلاپ، كۇرەتامىرلىق قىسىم دەڭگەيىنىڭ جوعارى بولعانى بايقالعان. ناۋقاس ديسيركۋلياتورلىق ەنسەفالوپاتيا دياگنوزىمەن تىركەۋدە تۇرعان. 

–  2 ساۋىردە ناۋقاستىڭ بيولوگيالىق ءولىمى تىركەلىپ، ونىڭ دەنەسى سوت-مەديسينالىق ساراپتاما ءۇشىن نۇر-سۇلتان قالاسىنا جەتكىزىلدى. زەرتتەۋ جۇرگىزۋ كەزىندەگى سەكسيوندىق ماتەريالدا COVID-19 انىقتالدى. ناۋقاس بولعان جەردە ەپيدەمياعا قارسى شارالار جۇرگىزىلۋدە، سونداي-اق قارىم-قاتىناستا بولعان ادامدار انىقتالۋدا، –  اقمولا وبلىستىق دەنساۋلىق ساقتاۋ باسقارماسىنىڭ باسشىسى سۇلەن ءىلياسوۆ.

قولدا بار دەرەك بويىنشا ەلدەگى كوروناۆيرۋستىق جاعداي تومەندەگىدەي.