فيليپپيندە كوروناۆيرۋس ەرەجەلەرىن بۇزعانى ءۇشىن ءبىر ەر ادام اتىلدى، دەپ جازادى aljazeera.com. ەلدە پوليسيانىڭ كوروناۆيرۋسپەن كۇرەسكە قاتىستى شەكتەۋلەردى ساقتاماعانى ءۇشىن ءبىر ازاماتتى اتىپ ولتىرگەنى تۋرالى حابارلاندى.

– 63 جاستاعى ەر ادام كوروناۆيرۋس شەكتەۋى كەزىندە اۋىل شەنەۋنىكتەرى مەن پوليسياعا قارسىلىق كورسەتكەننەن كەيىن وق اتىلدى، – دەپ حابارلادى پوليسيا.

پوليسيانىڭ حابارلاۋىنشا، اتىلعان ادام ماس بولعان. ءفيليپپيننىڭ اگۋسان-دەل-نورتە پروۆينسياسىنداعى ناسيپيت قالاسىنداعى باقىلاۋ بەكەتى ماڭىندا اۋىل بيلىگى مەن پوليسيا قىزمەتكەرلەرىنىڭ جۇمىسىنا كەدەرگى جاساعان دەپ ءتۇسىندىردى رەسمي بيلىك وكىلدەرى.

– اۋىل دارىگەرى كۇدىكتىگە بەتپەردە كيمەگەنىن ەسكەرتتى. ءبىراق كۇدىكتى اشۋلانىپ، ارانداتاتىن سوزدەر ايتىپ، اقىرى قىزمەتكەرلەرگە شابۋىلدادى، – دەلىنگەن حابارلامادا.

بۇل وقيعا فيليپپين پرەزيدەنتى كارانتين ەرەجەسىن بۇزعانداردى اتاتىنىن جاريالاعاننان بەرگى العاشقى اتىپ ولتىرىلگەن جاعداي بولىپ تىركەلدى.