جۇڭگو COVID-19-بەن كۇرەسۋدە قازاقستاندىق دارىگەرلەردى قولداۋعا مەديسينا قىزمەتكەرلەرىن جىبەرىپ جاتىر. بۇل تۋرالى دەنساۋلىق ساقتاۋ مينيسترلىگى حابارلادى.
"قۇرامىنا جوعارى ساناتتاعى جانە دە ۇلكەن تاجىريبەسى بار دارىگەرلەر كىرەتىن جۇڭگو دەلەگاسياسىنىڭ باستى مىندەتى – قازاقستان دارىگەرلەرىنە COVID-19 ۆيرۋسىمەن كۇرەستە كونسۋلتاتيۆتىك قىزمەت پەن وزىندىك ادىستەردى كورسەتۋ. سونىمەن قاتار ۆيرۋسپەن كۇرەستە قىتايلىق مامانداردىڭ قولدانعان پروفيلاكتيكاسىن قازاقستاندىق دارىگەرلەرمەن ءبولىسۋ" دەلىنگەن مينيسترلىك تاراتقان حابارلامادا.
بۇل 24 ناۋرىزدا قاسىم-جومارت توقايەۆ پەن جۇڭگو حالىق رەسپۋبليكاسىنىڭ ءتوراعاسى سي-سزينپين اراسىنداعى تەلەفونمەن بولعان اڭگىمە بارىسىندا قول جەتكىزىلگەن ۋاعدالاستىق اياسىندا ىسكە اسۋدا.
جۇڭگو تاراپىنان 13 ەكسپەرت كەلەدى دەپ كۇتىلۋدە. ولار ارنايى بورتپەن 9 ساۋىردە نۇر-سۇلتان قالاسىنا جەتكىزىلدەدى.
دەلەگاسيامەن بىرگە قحر-دان گۋمانيتارلىق كومەكتىڭ ەكىنشى بولىگى كەلمەك.
پىكىر قالدىرۋ