جامبىل وبلىسى مەركى اۋداندىق ورتالىق اۋرۋحاناسىنىڭ تولقىناي وردابايەۆا اتتى ينفەكسيونيست دارىگەرى قىزمەت بارىسىندا كوروناۆيرۋس جۇقتىرعانىن، ءقازىر تارازداعى ينفەكسيالىق ستاسيوناردا جاتقانىن جازدى. دارىگەر "اۋداندىق اۋرۋحانا باسشىلىعى مەديسينالىق قورعانىس قۇرالدارىمەن قامتاماسىز ەتپەدى" دەپ وتىر.
ونىڭ ايتۋىنشا، مەديسينالىق مەكەمە اكىمشىلىگى دارىگەرلەرگە قىسىم كورسەتىپ، ولاردى مەديسينالىق ماسكا تىگۋگە ماجبۇرلەگەن. جۇمىستا ماسكا مەن قاراپايىم قورعانىس قۇرالدارىن بەرمەستەن، شامادان تىس ەڭبەككە جەككەن. سونىڭ سالدارىنان دارىگەردىڭ يممۋنيتەتى السىرەپ، كوروناۆيرۋس جۇقتىرىپ العان.
– ناۋقاستارمەن بايلانىستا بولعان ادامدار كارانتيننىڭ 14-كۇنىندە قايتا تەستىلەۋدەن وتكىزىلمەدى. ويتكەنى جامبىل وبلىسىندا وعان قولايلى ورتا مەن قاراجات جوق. سوندىقتان ناۋقاستارمەن بايلانىستا بولعاندار كوروناۆيرۋس بويىنشا سوڭعى اناليز الىنباستان اۋرۋحانادان شىعارىلدى. ءقازىر ۆيرۋسقا قارسى "الۋۆيا" دارىلىك پرەپاراتىن قابىلداپ جاتىرمىن. الايدا بۇل ءدارىنىڭ كەرى اسەرى كوپ. مەنى كوروناۆيرۋسقا شالدىققان ەپيدەميولوگ دارىگەردىڭ جانىنا ورنالاستىردى، – دەدى دارىگەر.
سونداي-اق ول جامبىل وبلىسىندا كوروناۆيرۋستى انىقتاۋ ءۇشىن ناۋقاستاردان تىزبەكتى پوليمەرازدى رەاكسيا الىنبايتىنىن، ونداي تپر تەستتەرىنىڭ جوق ەكەنىن، بايلانىستا بولعانداردى قايتا تەستىلەۋ جاسالىنبايتىنىن ايتتى.
– جامبىل وبلىسىنىڭ دەنساۋلىق ساقتاۋ باسقارماسى دارىگەرلەردىڭ كوروناۆيرۋس جۇقتىرعانىن جاسىرىپ وتىر. مەنى نەگە جەكە پالاتاعا جاتقىزبايتىنى، مەنەن جانە مەنىڭ قاسىمداعى ناۋقاستان اۋرۋحاناعا تۇسكەندە نەلىكتەن قايتادان اناليز الىنباعانى تۇسىنىكسىز. جامبىل وبلىسىنىڭ دەنساۋلىق ساقتاۋ باسقارماسىنا دارى-دارمەك پەن قورعانىس ماتەريالدارىنا، دارىگەرلەردى ساناتى بويىنشا ىنتالاندىرۋعا دەپ بولىنگەن قارجى قايدا كەتتى سوندا؟ نەگە وبلىستا كوروناۆيرۋسقا تپر زەرتتەۋ جۇرگىزىلمەيدى، نەگە تەست الىنبايدى؟ جامبىل وبلىسىنداعى مەديسينا قىزمەتكەرلەرىنىڭ كوروناۆيرۋس جۇقتىرعانى نەگە جاسىرىلىپ وتىر؟ مەنىڭ جۇمىس كەزىندە كوروناۆيرۋس جۇقتىرۋىما بايلانىستى نەگە ەپيدەميولوگيالىق تەرگەۋ جاسالمايدى؟، – دەگەن ساۋالدارىن قويدى تولقىناي وردابايەۆا.
پىكىر قالدىرۋ