الماتى قالاسى كاسىپكەرلەر پالاتاسى وڭىرلىك كەڭەسىنىڭ ءتوراعاسى ماكسيم بارىشيەۆ قالادا ءجۇرىپ-تۇرۋ رۇقساتىن بەرەتىن پورتال بارىنشا وڭاي جۇمىس ىستەيتىن بولادى دەپ اتاپ ءوتتى.
ونىڭ ايتۋىنشا، كاسىپورىن نەمەسە جەكە كاسىپكەر قالا بويىنشا ءجۇرىپ-تۇرۋعا رۇقساتى بار نەمەسە جوق ەكەنىن انىقتاۋ ءۇشىن: ول ءوزىنىڭ جسن (جك ءۇشىن) جانە بسن (كاسىپورىن ءۇشىن) ءنومىرىن ەنگىزەدى.
– بۇدان ءارى باعدارلاما الگوريتم نەگىزىندە قالادا جالدامالى قىزمەتكەرلەرگە ءجۇرىپ-تۇرۋعا بولاتىنىن ءوزى انىقتايدى. ەگەر تىزىمگە سايكەس قالادا ءجۇرىپ-تۇرۋ مۇمكىن بولسا، سايكەسىنشە، ۇياشىقتاردى تولتىرۋ ءۇشىن كەلەسى تەرەزە اشىلادى. بۇدان ءارى قىزمەتكەرلەردىڭ جسن ەنگىزىلەدى. اۆتوكولىك قۇرالدارى مەملەكەتتىك نومىرلەردى ەنگىزۋ ارقىلى انىقتاي الادى. ودان كەيىن قۇجاتتارعا قول قويۋ ەرەجەلەرىمەن كەلىسۋگە ارنالعان ءۇش بەلگى بولادى. سودان كەيىن ەلەكتروندىق-سيفرلىق قولتاڭبانىڭ (ەسق) ەكىنشى بولىگىن قوسىپ، «كەلىسەمىن» دەگەندى باسۋ قاجەت. وسىدان كەيىن بارلىق قۇرىلعان بازا شتابقا ءارى قاراي قاراۋعا جىبەرىلەدى، – دەدى ماكسيم بارىشيەۆ.
