– مەن ءوز اكىمشىلىگىمە دۇنيەجۇزىلىك دەنساۋلىق ساقتاۋ ۇيىمىن قارجىلاندىرۋدى توقتاتۋعا نۇسقاۋ بەرەمىن. ددسۇ كوروناۆيرۋستىڭ تارالۋىن باقىلاۋداعى جانە ونى جاسىرۋداعى ءرولىن ساراپتاۋ جۇرگىزىلىپ جاتىر، – دەدى ترامپ اق ۇيدە وتكەن باسپا ءسوز ءماسليحاتىندا.
ترامپتىڭ ايتۋىنشا شامامەن 60-تان 90 كۇنگە دەيىن جالعاساتىن تەكسەرۋدەن كەيىن اقش-تىڭ قارجىلاندىرۋدى قالپىنا كەلتىرەتىنى تۋرالى شەشىم قابىلدانادى.
بۇل شەشىمگە قاتىستى ءتۇرلى پىكىر ايتىلۋدا. سولاردىڭ ءبىرى مايكروسوفتتىڭ نەگىزىن قالاۋشى جانە فيلانتروپ بيلل گەيتس تۆيتتەردە «وسىنداي دۇنيەجۇزىلىك دەنساۋلىق داعدارىسى كەزىندە ددسۇ-نى قارجىلاندىرۋدى توقتاتۋ وتە ءقاۋىپتى" دەپ جازدى.
وتكەن اپتادا ترامپ ددسۇ-نى قارجىلاندىرۋىن قايتا قارايتىنىن مالىمدەگەنى حابارلانعان بولاتىن. وندا اقش پرەزيدەنتىنىڭ ددسۇ-نى نەگە ايىپتاعانى، نەگە نەگىزدەلىپ قارجىلاندىرۋدى قايتا قارايتىنى تۋرالى ايتىلعان.
پىكىر قالدىرۋ