قازاقستاننىڭ اۆياسيا اكىمشىلىگى Bek Air اق-نىڭ سەرتيفيكاتىن قايتاردى. بۇل تۋرالى ازاماتتىق اۆياسيا كوميتەتى حابارلادى.
"قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياسيا قىزمەتى تۋرالى" زاڭنىڭ 12 بابىنىڭ 5-تارماعىنا، 16-9 بابى 2-تارماعىنىڭ 10 تارماقشاسىنا سايكەس، "قازاقستاننىڭ اۆياسيالىق اكىمشىلىگى" اق جىبەرگەن بۇزۋشىلىقتاردى جويۋ تۋرالى نۇسقاۋلاردى ورىنداماۋىنا بايلانىستى Bek Air اق-نىڭ پايدالانۋشى سەرتيفيكاتى كەرى قايتارىپ الىندى. سونداي-اق Bek Air اق-نىڭ 9 Fokker اۋە كەمەسىنىڭ ۇشۋعا جارامدىلىعى سەرتيفيكاتتارى قايتارىلدى" دەلىنگەن حابارلامادا.
ەندى ءتيىستى قۇجاتتارىن الۋ ءۇشىن قايتادان تولىق سەرتيفيكاتتاۋ راسىمىنەن ءوتۋى قاجەت.
ەستەرىڭىزگە سالايىق، الماتىدا اتالعان اۋە كومپانياسىنىڭ ۇشاعى اپاتقا ۇشىراعان سوڭ قۇقىق قورعاۋ ورگاندارى كومپانيانىڭ قىزمەتىنە جوسپاردان تىس تەكسەرۋ جۇرگىزگەن ەدى. ناتيجەسىندە ۇشۋ قاۋىپسىزدىگىنە اسەر ەتەتىن ورەسكەل زاڭ بۇزۋشىلىقتار انىقتالعان.
پىكىر قالدىرۋ