قازاقستان رەسپۋبليكاسى ۇكىمەتىنىڭ قاۋلىسىمەن كامالجان تالعات ۇلى نادىروۆ باسقا جۇمىسقا اۋىسۋىنا بايلانىستى دەنساۋلىق ساقتاۋ ۆيسە-مينيسترى قىزمەتىنەن بوساتىلدى. بۇل تۋرالى primeminister.kz حابارلادى. 

ك. نادىروۆ 1983 جىلى الماتى قالاسىندا دۇنيەگە كەلگەن. س. ج. اسفەندياروۆ اتىنداعى قازاق مەملەكەتتىك مەديسينا ۋنيۆەرسيتەتىن، تۇران ۋنيۆەرسيتەتىن، قوعامدىق دەنساۋلىق ساقتاۋ جوعارى مەكتەبىن ءتامامداعان. ءتۇرلى جىلدارى Duke University، «The Fuqua School of Business» (اقش)، «Parkway College» (سينگاپۋر)، «Florence Nightingale» (تۇركيا) كلينيكالار توبىنان، «Oxford «Social Health Insurance system» (گەرمانيا) وقۋدان وتكەن. 

2007-2014 جىلدارى ب. و. جاربوسىنوۆ اتىنداعى ۋرولوگيا عىلىمي ورتالىعىندا كلينيكا ورديناتورى، ءبولىم مەڭگەرۋشىسى، باس ديرەكتوردىڭ ورىنباسارى قىزمەتتەرىن اتقاردى.

دەنساۋلىق ساقتاۋ مينيسترلىگىنىڭ قۇرىلىمىندا 2014 جىلدان باستاپ جۇمىس ىستەيدى. مەديسينالىق قىزمەتتەردى ستاندارتتاۋ دەپارتامەنتى ديرەكتورىنىڭ ورىنباسارى قىزمەتىن اتقاردى.

2016-2017 جىلدار ارالىعىندا رەسپۋبليكالىق دياگنوستيكالىق ورتالىقتى باسقاردى — «University Medical Center» فيليالىنىڭ ديرەكتورى بولدى.

2017-2018 جىلدارى — استانا قالاسىنىڭ دەنساۋلىق ساقتاۋ باسقارماسىنىڭ  باسشىسى.

2018 جىلعى ناۋرىزدان 2019 جىلعى ناۋرىزعا دەيىن استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى قىزمەتىن اتقاردى.

2019 جىلعى ناۋرىزدان باستاپ قازىرگى تاڭعا دەيىن ق ر دەنساۋلىق ساقتاۋ ۆيسە-مينيسترى لاۋازىمىن اتقاردى.