ق ر دەنساۋلىق ساقتاۋ ۆيسە-مينيسترى بولىپ بيۋرابەكوۆا ليۋدميلا ۆيتاليەۆنا  تاعايىندالدى. بۇل تۋرالى primeminister.kz حابارلادى.

ليۋدميلا بيۋرابەكوۆا 1973 جىلى قاراعاندى وبلىسىندا دۇنيەگە كەلگەن. 1997 جىلى قاراعاندى مەملەكەتتىك مەديسينا اكادەمياسىن، 2004 جىلى قازاق فارماسيەۆتيكا ينستيتۋتىن، 2014 جىلى حالىقارالىق بيزنەس اكادەمياسىن ءتامامداعان. 

ەڭبەك جولىن 2004 جىلى ح.ج. ماقاجانوۆ اتىنداعى قاراعاندى كوپسالالى كلينيكالىق اۋرۋحاناسىندا دارىگەر-فارماكولوگ بولىپ باستاعان.

2005-2007 جج. قاراعاندى وبلىستىق دەنساۋلىق ساقتاۋ باسقارماسىنىڭ باس مامانى بولىپ جۇمىس ىستەدى.

2007-2009 جج. — باتىس قازاقستان وبلىستىق دەنساۋلىق ساقتاۋ باسقارماسىنىڭ ستراتەگيالىق دامۋ جانە دارى-دارمەكتەر ساياساتى جونىندەگى باستىعىنىڭ ورىنباسارى. 

2009-2010 جج. ق ر دەنساۋلىق ساقتاۋ مينيسترلىگىنىڭ مەديسينا جانە فارماسيەۆتيكالىق قىزمەتتى باقىلاۋ كوميتەتىنىڭ فارماسيەۆتيكالىق قىزمەتتى، دارى-دارمەكتەر ساپاسىن مەن قولدانىلۋىن باقىلاۋ باسقارماسىنىڭ باستىعى قىزمەتىن اتقاردى. 

2010 ج. — ق ر دەنساۋلىق ساقتاۋ مينيسترلىگىنىڭ مەديسينالىق جانە فارماسيەۆتيكالىق قىزمەتتى باقىلاۋ كوميتەتىنىڭ ءتوراعاسىنىڭ ورىنباسارى. 

2011 ج. — رەسپۋبليكالىق بالالار وڭالتۋ ورتالىعىنىڭ ستراتەگيالىق دامۋ جانە قاۋىپسىزدىك باسقارماسىنىڭ باستىعى.

2011-2013 جج. — ۇلتتىق مەديسينالىق حولدينگىنىڭ مەديسينالىق كومەكتى ۇيىمداستىرۋ دەپارتامەنتىنىڭ ديرەكتورى، باس مەنەدجەرى.

2013-2014 جج. ق ر دەنساۋلىق ساقتاۋ مينيسترلىگىنىڭ «رەسپۋبليكالىق سانيتارلىق اۆياسيا ورتالىعى» وقۋ-كلينيكالىق ءبولىمىنىڭ باستىعى بولىپ ەڭبەك ەتتى. 

2014 ج. — مەديسينالىق تەحنولوگيالار جانە اقپاراتتىق جۇيەلەر ورتالىعىنىڭ ۆيسە-پرەزيدەنتى.

2014–2017 جج. ق ر پرەزيدەنتى ءىس باسقارماسىنىڭ مەديسينا ورتالىعىنىڭ باس ينسپەكتورى، باسشىسىنىڭ ورىنباسارى بولىپ ەڭبەك ەتكەن.

2017-2019 جج. ق ر دەنساۋلىق ساقتاۋ مينيسترلىگىنىڭ فارماسيا كوميتەتىنىڭ ءتورايىمى بولدى.

2019 جىلعى مامىر ايىنان قازىرگە دەيىن  — دەنساۋلىق ساقتاۋ مينيسترلىگىنىڭ تاۋارلار مەن قىزمەتتەر قاۋىپسىزدىگى جانە ساپاسىن باقىلاۋ كوميتەتىنىڭ ءتورايىمى.