الماتى قالاسىنىڭ اكىمى باقىتجان ساعىنتايەۆ مۇقتاج جاندارعا قولداۋ كورسەتىپ جۇرگەن كاسىپكەرلەر مەن قاراپايىم قالا تۇرعىندارىنا العىس ايتتى. بۇل تۋرالى ءىnstagram پاراقشاسىندا جاريالادى.
– مۇقتاج جاندارعا قولداۋ كورسەتىپ جۇرگەن كاسىپكەرلەر مەن قاراپايىم قالا تۇرعىندارىنا العىس ايتامىن. «جاڭا الاتاۋ» قورىنىڭ ارنايى ەسەبىنە 257 ملن-نان استام دەمەۋشىلىك قاراجات ءتۇستى. بۇگىندە سونىڭ 136 ملن. تەڭگەسىنە كومەك كورسەتىلدى. ۇوس جانە 1-3 توپتاعى مۇگەدەكتەرگە، از قامتىلعان جانە كوپبالالى، سونداي-اق جالعىزباستى انالارعا 12 مىڭ ازىق-تۇلىك جيىنتىعى جەتكىزىلدى. ارنايى مەكتەپتەر، ينتەرناتتار مەن بالالار ۇيلەرىنە ازىق-تۇلىك جانە زالالسىزداندىرۋ قۇرالدارى بەرىلدى، – دەپ جازدى ب.ساعىنتايەۆ.
ول ءوز سوزىندە الماتىدا سانيتارلىق قاۋىپسىزدىكتى ساقتاۋ بويىنشا ارنايى دايىندىقتان وتكەن 100 ەرىكتىنىڭ جۇمىس ىستەيتىنىن اتاپ وتكەن.
– 16 ناۋرىزدان باستاپ شامامەن 18 مىڭ ءوتىنىش قارالدى. ولار مۇقتاجدارعا بەرىلەتىن ازىق-تۇلىك جيىنتىقتارىن، دارى-دارمەكتەر مەن ءبىرىنشى قاجەتتىلىكتەگى زاتتاردى ولشەپ، وراۋعا، ونى جەتكىزۋگە كومەكتەسەدى. سونداي-اق اقپاراتتىق-كەڭەس بەرۋ بويىنشا دا قولداۋ كورسەتىلەدى. ءبىزدى العا جەتەلەيتىن ءۇمىت پەن سەنىم. قالامىزدىڭ قاراپايىم تۇرعىندارى سول ءۇمىت وتىن جاعىپ، قيىندىقتى ەڭسەرۋگە كومەكتەسىپ ءجۇر. بۇل فيلم قالامىزدىڭ ەرىكتىلەرىنە ارنالادى، – دەدى اكىم جەلىدەگى پاراقشاسىندا.
پىكىر قالدىرۋ