دونالد ترامپ "اقش ۇكىمەتى جاڭا گرين-كارتالار بەرۋدى توقتاتتى" دەپ مالىمدەدى. بۇل تۋرالى قامشى ءتىلشىسى The Independent باسىلىمىنا سىلتەمە جاساپ حابارلايدى.
ترامپ تاعى ءبىر قاتاڭ يمميگراسيالىق قادام جاساپ، كوروناۆيرۋستىڭ ءورشۋى كەزىندە امەريكالىق جۇمىسشىلارعا قامقورلىق جاساۋ كەرەكتىگىن ايتتى.
پرەزيدەنت دونالد ترامپ "اقش-قا يمميگراسيانى ۋاقىتشا توقتاتا تۇرۋ تۋرالى" بۇيرىق شىعاردى. اتالمىش بۇيرىق ۋاقىتشا جۇمىسشىلارعا ەمەس، تۇراقتى تۇرۋعا كەلەتىندەرگە تىيىم سالادى.
سەيسەنبىدە ترامپ اقش-تىڭ كوروناۆيرۋس كەزىندە جۇمىس ورىندارىنا باسەكەلەستىكتى شەكتەۋ ماقساتىندا جاسىل كارتالار شىعارۋعا 60 كۇندىك ءۇزىلىس جاسايتىنىن ايتتى. ول بۇيرىققا "بەلگىلى ءبىر جەڭىلدىكتەر" كىرەتىنىن مالىمدەپ، ءبىراق ول بۇيرىق ازىرلەنىپ جاتقانىن ەسكەرىپ، ولاردى ايتۋدان باس تارتتى.
ايتا كەتەيىك، كەشە تاڭەرتەڭ ترامپ تۆيتتەر پاراقشاسىندا اقش-قا يمميگراسيانى توقتاتاتىن بۇيرىققا قول قويعىسى كەلەتىنىن مالىمدەگەن.
پىكىر قالدىرۋ