سولتۇستىك كورەيا باسشى كيم چەن ىننىڭ دەنساۋلىعىنا بايلانىستى ەل بيلىگىن قارىنداسى كيم ءو چەن الۋى مۇمكىن. بۇل تۋرالى قامشى ءتىلشىسى The Express باسىلىمىنا شولۋ جاساپ حابارلايدى.
سولتۇستىك كورەيانىڭ ديكتاتورى كيم چەن ىن جۇرەگىنە وتا جاساتقاننان كەيىن اۋرۋحانادا ءالسىز كۇيدە جاتقانى الەمدىك ب ا ق بەتتەرىندە جارىسا حابارلانعانىن جازعان بولاتىنبىز. بۇل سولتۇستىك كورەيانى ەندى كىم باسقارادى دەگەن سۇراق تۋعىزۋدا.
وڭتۇستىك كورەياداعى سەدجونگ ينستيتۋتىنىڭ ساراپشىسى چونگ سونگ-چانگتىڭ ويىنشا، كيم دەنساۋلىعى كۇرت ناشارلاسا، ەلدە كوتەرىلىستىڭ بولۋى ەكىتالاي.
چونگتىڭ ايتۋىنشا، كيمنىڭ قارىنداسى كيم ءو چەن سولتۇستىك كورەيا ۇكىمەتىندە ايتارلىقتاي ىقپالعا يە.
سونداي-اق ساراپشى پحەنيان كيم وتباسى مۇشەلەرى ارقىلى باسقارىلاتىنىن ايتتى.
كيم چەن ىن بۇرىن مەديسينالىق كومەككە جۇگىنگەن كەزدە ونىڭ مەملەكەتتىك مىندەتتەرىن قارىنداسى موينىنا العان، اسىرەسە، 2014 جىلدىڭ قازانىندا سولاي جاسالعان.
ول وتكەن جىلدىڭ ساۋىرىندە پوليتبيۋرودان شىعارىلعان، ءبىراق وسى ايدا قايتا قابىلدانعان.
ەگەر اعاسىنىڭ جاعدايى اۋىر بولىپ جاتسا، بيلىكتى كيم ءو چەن قابىلداۋى مۇمكىن دەگەن جورامال ايتىلۋدا.
پىكىر قالدىرۋ