جۇڭگو سولتۇستىك كورەياعا مەديسينالىق مامانداردى قامتىعان ارناۋلى توپ جىبەرگەن. بۇل تۋرالى قامشى ءتىلشىسى Reuters اگەنتتىگىنە سىلتەمە جاساپ حابارلايدى.
قىتايلىق دارىگەرلەر مەن شەنەۋنىكتەردىڭ بۇل ساپارى سولتۇستىك كورەيا باسشىسىنىڭ دەنساۋلىعى تۋرالى ءتۇرلى حابارلار پايدا بولۋىمەن تۇسپا-تۇس كەلگەنىن جازادى Reuters. اگەنتتىك قىتايلىق كوماندا ساپارىنىڭ كيمنىڭ دەنساۋلىعىنا بايلانىستى ەكەنىن بىردەن انىقتاي الماعان.
– بەيسەنبىدە جۇڭگو كوممۋنيستىك پارتياسىنىڭ حالىقارالىق Liaison دەپارتامەنتىنىڭ اعا مۇشەسى باستاعان دەلەگاسيا بەيجىڭنەن سولتۇستىك كورەياعا كەتتى، – دەگەن حابار كەلىپ تۇسكەن. Liaison دەپارتامەنتى كورشىلەس سولتۇستىك كورەيامەن جۇمىس جاسايتىن نەگىزگى جۇڭگو ورگانى.
دەرەككوزدەر ماسەلەنىڭ سەزىمتالدىعىن ەسكەرە وتىرىپ، تولىق اقپارات بەرۋدەن باس تارتقان.
Liaison بايلانىستار دەپارتامەنتىنە جۇما كۇنى كەشقۇرىم تۇسىنىكتەمە الۋ ءۇشىن رەيتەرس حابارلاسا الماعان. جۇما كۇنى كەشتە قىتايدىڭ سىرتقى ىستەر مينيسترلىگى تۇسىنىكتەمە بەرۋ تۋرالى وتىنىشكە جاۋاپ بەرمەگەن.
ايتا كەتەيىك، بۇعان دەيىن كيم چەن ىننىڭ ومىرىنە ۇلكەن ءقاۋىپ ءتونىپ تۇرعانىن جانە ونىڭ باسشىلىق ورنىنا قارىنداسىنىڭ كەلۋى مۇمكىن ەكەنىن جازعان بولاتىنبىز. بريتاندىق Daily Express گازەتى سولتۇستىك كورەيا باسشىسىنىڭ ءولىمى يادرولىق سوعىس ءقاۋپىن تۋدىراتىنىن حابارلاعان. ال، سەۋلدە جۇمىس ىستەيتىن Daily NK ۆەب-سايتى وسى اپتانىڭ باسىندا كيمدىڭ 12 ساۋىردە جۇرەك-قان تامىرلارى وپەراسياسىنان كەيىن قالپىنا كەلگەندىگىن حابارلاعان.
پىكىر قالدىرۋ