قازاقستاندا 164 مىڭ ادام 42 500 تەڭگەلىك الەۋمەتتىك تولەمدى قايتارىپ بەردى دەپ جازادى Qamshy.kz اقپارات اگەنتتىگى inform.kz سايتىنىڭ دەرەگىن نەگىزگە الىپ. 

«ەلىمىزدە مەملەكەتتىك الەۋمەتتىك ساقتاندىرۋ قورىنان 4 192 234 قازاقستاندىققا 42 500 تەڭگەلىك الەۋمەتتىك تولەم تاعايىندالعان بولاتىن. 4 054 417 ادامعا ءقازىردىڭ وزىندە ول اقشا اۋدارىلىپ قويدى. 164 730 ادام ءوز ەركىمەن 42 500 تەڭگەنى قايتارىپ بەردى»، - دەپ حابارلادى «ازاماتتارعا ارنالعان ۇكىمەت» كورپوراسياسىنىڭ قوعاممەن بايلانىس دەپارتامەنتىنىڭ باسشىسى مۇرات جۇمانباي.

ايتا كەتسەك، توتەنشە جاعداي كەزىندە تابىسىنان ايىرىلعان 4،1 ميلليوننان استام ادامعا الەۋمەتتىك تولەم تاعايىندالعانى حابارلانعان بولاتىن.

23 ساۋىردەگى جاعداي بويىنشا «42 500 تەڭگە» تولەمگە 8 ملن 21 مىڭ ادام ءوتىنىش بەرگەن. كەلىپ تۇسكەن 3 ملن 585 مىڭ ءوتىنىم بويىنشا 42 500 تەڭگە تاعايىنداۋدان باس تارتىلدى، سەبەبى ولار تج كەزىندە تابىستىڭ جوعالۋىنا بايلانىستى ءماسق-دان الەۋمەتتىك تولەمدى تاعايىنداۋ قاعيدالارىنا سايكەستىگىن تەكسەرۋدەن وتپەگەن.