الماتىداعى پروۆيزورلىق ورتالىقتا كارانتيندەگى العاشقى 32 جاستاعى بوسانعان ايەل ەمدەلىپ شىقتى.
پاسيەنت 12 ساۋىردە №1 قالالىق كلينيكالىق اۋرۋحاناعا دەنە قىزۋىنىڭ 38 گرادۋسقا دەيىن جوعارلاۋى، جوتەل، تاماقتىڭ جىبىرلاۋى سىندى سيمپتومدارىمەن كەلىپ ءتۇستى.
اۋرۋحاناعا كەلىپ تۇسكەن كەزدە كوروناۆيرۋستىق ينفەكسياعا تالداۋ الىندى، ول تەرىس ناتيجە كورسەتتى.
بۇل پاسيەنتتىڭ العاشقى رەت بوسانعانىن ايتا كەتكەن ءجون.
14 ساۋىردە 2 كۇننەن كەيىن ول سالماعى 3 كگ-نان ءسال ارتىق بالانى دۇنيەگە اكەلدى.
– مەن كارانتيندە بولعانىمدا بوسانۋىما تۋرا كەلدى. بۇل مەنىڭ تۇڭعىشىم بولعاندىقتان، وتە قاتتى ۋايىمداپ ەدىم. بۇعان دەيىن قاسىما سەرىك بولاتىن اداممەن تۋۋدى جوسپارلاعانمىن، ءبىراق بوسانۋ ۋاقىتىم كارانتينگە ءدال كەلدى. ءبىراق، مەن مەديسينا قىزمەتكەرلەرى تاراپىنان بولعان قامقورلىقتىڭ ارقاسىندا ءتىپتى جالعىز ەكەنىمدى سەزبەي دە قالدىم. مەنىڭ اتا-انام قالا سىرتىندا تۇرادى، ولار دا مەنى، بالانىڭ جاي-كۇيىن ءوزىم سياقتى قاتتى ۋايىمداپ وتىردى، ازىق-تۇلىكپەن، تاماقپەن مەنى كىم قامتاماسىز ەتەدى دەپ ۋايىمداپ وتىردى. ءبىراق، مۇندا تاماقتانۋ جاعدايى تاماشا جاسالعان، مەن ەشتەڭەنى قاجەتسىنبەدىم. ستاسيوناردىڭ مەديسينا قىزمەتكەرلەرىنە ۇلكەن راحمەت ايتقىم كەلەدى. كارانتين كەزىندە مەن ولاردان كوپ نارسەنى ۇيرەندىم، جاس انا كۋرسىنان ءوتتىم دەپ تە ايتۋعا بولادى، – اجار مانحانوۆا.
– بۇگىن اناسى ۇلىمەن بىرگە باقىلاۋ تالداۋىنان كەيىن ۇيگە ەمدەۋدەن شىعارىلدى. اناسى دا، ءسابي دە وزدەرىن جاقسى سەزىنۋدە، – دەپ اتاپ ءوتتى ستاسيونار باسشىسى ەرنەست قالييەۆ.
جالپى، بۇگىنگى كۇنى №1 قالالىق اۋرۋحانادا بوسانۋ بلوگىندا Cوvid-19 دياگنوزىمەن راستالعان 6 ايەل، ونىڭ ەكەۋى بوسانعاننان كەيىنگى جاعدايدا، كارانتيندە 24 جۇكتى ايەل بار.
پىكىر قالدىرۋ