جاپونيالىق جانە وڭتۇستىك كورەيالىق اقپارات كوزدەرىنىڭ ايتۋى بويىنشا، سولتۇستىك كورەيا باسشىسى كيم چەن ىن سەنبى كۇنى كوز جۇمعان. 

بۇل تۋرالى قامشى ءتىلشىسى بريتانيالىق Daily Express گازەتىنە سىلتەمە جاساپ حابارلايدى. 

HKSTV گونكونگ سپۋتنيكتىك تەلەديدارى ديرەكتورىنىڭ ورىنباسارى شيسيان سينسزۋدىڭ ايتۋىنشا، «وتە سەنىمدى دەرەككوز» كيم چەن ىننىڭ ولگەنىن حابارلاعان.

ال، بىرنەشە ساعات بۇرىن "شۋكان گەنداي" دەگەن جاپوندىق اپتالىق گازەتتىڭ ايتۋىنشا، سولتۇستىك كورەيانىڭ ديكتاتورى جۇرەككە جاسالعان وپەراسيادان كەيىن ءولىم اۋزىندا جاتىر.

ايتا كەتەيىك، كەشە جۇڭگو مەديسينالىق توبىنىڭ سولتۇستىك كورەيا استاناسى پحەنيانعا جىبەرىلگەنىن حابارلاعان بولاتىنبىز. شەتەلدىك اقپارات كوزدەرىنىڭ ايتۋىنشا، پحەنيانعا جىبەرىلگەن قىتايلىق ماماندار جۇرەك وتاسىنان شىققان كيم چەن ىنگە جەتكەندە ونىڭ ءومىرىن قۇتقارىپ قالۋعا وتە كەش بولعان. بۇعان دەيىن كيم چەن ىننىڭ ومىرىنە ۇلكەن ءقاۋىپ ءتونىپ تۇرعانىن، ونىڭ ورنىنا قارىنداسىنىڭ كەلۋى مۇمكىن ەكەنىن جانە سولتۇستىك كورەيا باسشىسىنىڭ ءولىمى يادرولىق سوعىس ءقاۋپىن تۋدىراتىنىن حابارلاعانبىز.