تۇركىستان وبلىسىندا پوليسەيلەر توتەنشە جاعداي كەزىندە 700-گە جۋىق قۇقىقبۇزۋشىلىقتى انىقتاپ، 93 تۇرعىندى قاماۋعا الدى. بۇل تۋرالى پوليسيا دەپارتامەنتىنىڭ پاراقشاسىندا حابارلاندى.
تۇركىستاندىق پوليسەيلەر توتەنشە جاعداي كەزىندە تارتىپكە باعىنباي، زاڭعا قايشى ورەسكەل ارەكەت جاساۋشىلاردى انىقتادى. اتاپ ايتساق، وبلىس بويىنشا ق ر اكىمشىلى قۇقىق بۇزۋشىلىق تۋرالى كودەكسىنىڭ 476-بابى (توتەنشە جاعداي رەجيمىن بۇزۋ) بويىنشا 693 جايت انىقتالدى.
ونىڭ ىشىندە 206 تۇرعىنعا سوتتىڭ شەشىمىمەن اكىمشىلىك ايىپپۇل (5 461 060تگ) سالىندى. 226 ازاماتقا ەسكەرتۋ بەرىلىپ، 93 ازامات اكىمشىلىك قاماۋعا الىندى. قازىرگى ۋاقىتتا سوتتا 168 ءىس قارالۋ ۇستىندە.
بۇل قۇقىقبۇزۋشىلىق جاساعان ازاماتتاردىڭ ءبىرى 19-ساۋىردەن باستاپ وبلىس بويىنشا كارانتين ەنگىزىلگەنىنە قاراماستان، تۇركىستان قالاسىندا كوشە بويىندا ورنالاسقان اسحانالاردىڭ بىرىندە ازاماتتاردى قابىلداپ، تاماقتانۋعا رۇقسات بەرگەنى ءۇشىن جاۋاپقا تارتىلدى.
ورداباسى ءاپب-نىڭ جەكە قۇرام قىزمەتكەرلەرى دە توتەنشە جاعدايعا بايلانىستى كۇشەيتىلگەن رەجيمدە قىزمەت اتقارۋدا. كۇندەلىكتى تەكسەرۋ جۇمىستارى بارىسىندا ورداباسى اۋدانىندا شۇبارسۋ ەلدى مەكەنىندە ورنالاسقان اۆتوكولىك جۋۋ ورنى شەكتەۋلەرگە قاراماستان جۇمىس ىستەپ تۇرعانى بەلگىلى بولدى.
اتالعان جايت بويىنشا اۆتوكولىك جۋۋ ورنىنىڭ ەگەسىنە قاتىستى ق ر اكiمشiلiك قۇقىق بۇزۋشىلىق تۋرالى كودەكسىنىڭ 476-بابى ياعني (توتەنشە جاعداي رەجيمiن بۇزۋ) بويىنشا حاتتاما تولتىرىلىپ، سوت قاراۋىنا جولداندى.
تۇركىستان وبلىسى پوليسەيلەرى ازاماتتارعا بەلگىلەنگەن شەكتەۋلەردى قاتاڭ ساقتاپ، تارتىپكە باعىنىڭىزدار دەپ كەڭەس بەرەدى.
پىكىر قالدىرۋ