وڭتۇستىك كورەيانىڭ يچحون قالاسىندا لوگيستيكالىق قويمانىڭ قۇرىلىس الاڭىندا ءورت بولىپ ەكى قازاقستاندىق ازامات قايتىس بولعان. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ تelegram-دا مالىمدەدى.
– 2020 جىلدىڭ 29 ساۋىرىندە وڭتۇستىك كورەيانىڭ يچحون قالاسىنداعى لوگيستيكالىق قويمانىڭ قۇرىلىس الاڭىندا ءورت بولىپ، 38 ادام قايتىس بولدى. تاعى 10 ادام جاراقات الدى. ىزدەۋ جۇمىستارى ءالى دە جۇرگىزىلىپ جاتىر. جەرگىلىكتى بيلىك مالىمەتىنشە، 38 ادامنىڭ 29-ى كىم ەكەنى انىقتالدى. ونىڭ ىشىندە ەكى قازاقستان ازاماتى بار. ءبىزدىڭ ديپلوماتتار سەۋلمەن بايلانىستا. تاعى 9 ادامنىڭ كىم ەكەنى انىقتالىپ جاتىر، جۇمىستار جۇرگىزىلىپ جاتىر، – دەدى ايبەك سمادياروۆ.
جالىن بەس ساعاتتان سوڭ ءسوندىرىلدى. جەرگىلىكتى بيلىك ورتكە قۇرىلىس جۇمىستارى كەزىندە ۋرەتان جارىلۋى سەبەپ بولعان دەپ سانايدى.
پىكىر قالدىرۋ