سەنات ءتوراعاسى داريعا نازاربايەۆنىڭ وكىلەتتىلىگى توقتاتىلدى. بۇل تۋرالى اقوردا سايتى حابارلادى.
"مەملەكەت باسشىسىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى داريعا نۇرسۇلتان قىزى نازاربايەۆانىڭ وكىلەتتىگى توقتاتىلدى" دەلىنگەن حابارلامادا.
قازاقستاننىڭ ەكس-پرەزيدەنتى نۇرسۇلتان نازاربايەۆتىڭ تۇڭعىش قىزى 7 مامىر كۇنى 57-گە كەلەدى.
ول ءارتۇرلى جىلدارى "حابار" اگەنتتىگىنىڭ ءتوراعاسى، ۆيسە-پرەمەر قىزمەتتەرىن اتقارعان. 2016 جىلدىڭ قىركۇيەگىندە سەنات دەپۋتاتى بولىپ، 2019 جىلعى 20 ناۋرىزدا سەنات ءتوراعالىعىنا تاعايىندالعان.
نازاربايەۆا بۇرىنعى قىزمەتىندە كونستيتۋسيا بويىنشا پرەزيدەنتتەن كەيىنگى تۇلعا بولعان. الەۋمەتتىك جەلىدە "توقايەۆ وتستاۆكاعا كەتىپ، ونىڭ ورنىنا نازاربايەۆا وتىرادى-مىس" دەگەن اڭگىمە تاراعان. الايدا ول اقپاراتتى رەسمي ورىندار الدەنەشە رەت تەرىستەگەن.
داريعا نازاربايەۆ 2013 جىلى قازاقستاننىڭ ەڭ باي 50 ادامىنىڭ قاتارىنا كىرگەن. Forbes قازاقستان جۋرنالى جاريالاعان ەلدىڭ ەڭ داۋلەتتى بيزنەسمەندەرىنىڭ 2019 جىلعى تىزىمىنە نازاربايەۆا ەنبەگەن.
پىكىر قالدىرۋ