ايدوس ۇكىباي: تۇپكىلىكتى شەشىمدى پرەزيدەنت قابىلدايدى

/image/2020/05/02/crop-17_6_514x773_200430134653001e.jpg

ەلباسى – قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆتىڭ باسپا ءسوز حاتشىسى ايدوس ۇكىباي قازاقپاراتقا بەرگەن سۇحباتىندا ەلدەگى تۇپكىلىكتى شەشىمدى ەل پرەزيدەنتى قابىلدايتىنىن ايتتى.

– ەلباسى قاۋىپسىزدىك كەڭەسىنىڭ ءتوراعاسى. سونىمەن قاتار «Nur Otan» پارتياسى مەن قازاقستان حالقى اسسامبلەياسىنا جەتەكشىلىك ەتىپ وتىر. البەتتە وسىعان بايلانىستى ول ەلدىڭ ساياسي ومىرىنە بەلسەندى تۇردە اتسالىسىپ، مەملەكەت باسشىسىمەن بىرگە ەلدى ستراتەگيالىق تۇرعىدا دامىتۋ جۇمىستارىمەن اينالىسادى. الايدا تۇپكىلىكتى شەشىمدى ەل پرەزيدەنتى قابىلدايدى. قاۋىپسىزدىك كەڭەسى دە ءوز كەڭەسىن دايىنداپ، مەملەكەت باسشىسىنا ەنگىزەدى، – دەدى ايدوس ۇكىبايەۆ.

سونداي-اق ول قاۋىپسىزدىك كەڭەسى وكىلەتتىگى شەكسىز "سۋپەر-مەملەكەتتىك ورگان" دەگەن "اڭىزدى" جوققا شىعاراتىنىن ايتتى.

– قاۋىپسىزدىك كەڭەسى مۇشەلەرىنىڭ جوعارى لاۋازىمدىق دەڭگەيى، سونىمەن قاتار بەرىلەتىن قاراپايىم داۋىس بويىنشا ۇلتتىق قاۋىپسىزدىكتىڭ وزەكتى ماسەلەلەرى بويىنشا شەشىم قابىلداۋى ونىڭ جۇمىسىنىڭ شوعىرلاندىرىلعان سيپاتىن ايقىن كورسەتەدى. قاۋىپسىزدىك كەڭەسىنىڭ جۇمىس ورگانى – اۋقىمدى ءارى كوزگە كورىنە بەرمەيتىن قوعامدىق جۇمىستى اتقارىپ وتىرعان اپپارات بولىپ سانالادى. ونىڭ نەگىزگى مىندەتى – قاۋىپسىزدىك كەڭەسىنىڭ، قاۋىپسىزدىك كەڭەسى ءتوراعاسىنىڭ، قازاقستان رەسپۋبليكاسى پرەزيدەنتىنىڭ جۇمىسى اقپاراتتىق-اناليتيكالىق جانە ۇيىمداستىرۋشىلىق تۇرعىدا قامتاماسىز ەتۋ. اپپارات سونداي-اق ۇلتتىق قاۋىپسىزدىكتىڭ ىشكى جانە سىرتقى قاۋىپتەرىن انىقتاپ، ولاردى ەسكەرتۋ جانە بەيتاراپتاندىرۋ بويىنشا شارالاردى ازىرلەۋ مىندەتتەرىن اتقارادى. بۇل قاۋىپسىزدىك اسپەكتىلەرىنە قاراماستان بارىنە دە قاتىستى، – دەلىنگەن باسپا ءسوز حاتشى سۇحباتىندا.

پىكىر قالدىرۋ

قاتىستى ماقالالار