قازاقستاندا كوروناۆيرۋس ىندەتىن جۇقتىرعان تاعى 36 جاعداي تىركەلدى جانە 1 ادام كوز جۇمدى. بۇل تۋرالى دەنساۋلىق ساقتاۋ مينيسترلىگى حابارلادى.

ءقاۋىپتى ىندەتتەن قايتىس بولعان ناۋقاس شىمكەنت قالاسىنىڭ تۇرعىنى.

ايەل ادام 1942 جىلى شىمكەنت قالاسى، اباي اۋدانىندا تۋعان.

78 جاستاعى ناۋقاس 27 ءساۋىر كۇنى جرۆي، پنيەۆمونيا دياگنوزىمەن جەدەل جاردەم قىزمەتى ارقىلى قالالىق جۇقپالى اۋرۋلار اۋرۋحاناسىنا جەتكىزىلگەن.

ناۋقاستان زەرتحانالىق سىناما الىنىپ، پتر دياگنوستيكالىق زەرتتەۋ قورىتىندىسىمەن COVID-19 دياگنوزى ناقتىلاندى.

29 ءساۋىر كۇنى ازاماتشا جانساقتاۋ بولىمىنە جاتقىزىلىپ، جاعدايىنىڭ اۋىرلىعىنا بايلانىستى يۆل اپپاراتىنا قوسىلعان.

ناۋقاستىڭ قوسالقى اۋرۋلارى: 3ء-شى دارەجەلى ارتەريالدىق گيپەرتەنزيا، وتە جوعارى توبى، سوزىلمالى برونحيت.

ناۋقاس ەمدەۋ حاتتاماسىنا سايكەس، قاجەتتى ەم شارالارى جۇرگىزىلىپ، رەسپۋبليكالىق ماماندارمەن بىرنەشە رەت كەڭەس وتكىزىلگەن.

جۇرگىزىلگەن رەانيماسيالىق ءىس-شارالارعا قاراماستان، 3 مامىر كۇنى، ساعات 10:20-دا ناۋقاس قايتىس بولدى.