جەڭىستىڭ 75 جىلدىعىنا وراي قوستاناي وبلىسىنداعى كەڭەس-گەرمان سوعىسىنىڭ قاتىسۋشىلارى مەن مۇگەدەكتەرى ءبىر ميلليون تەڭگەدەن الدى. بۇل تۋرالى 24.kz حابارلادى.

ءبىرىڭعاي تولەم وڭىردەگى 82 ارداگەردىڭ ەسەپشوتىنا اۋدارىلدى. سونداي-اق تىل ەڭبەككەرلەرى، لەنينگراد بلوكاداسىندا بولعاندار جانە اۋعان سوعىسىنىڭ ارداگەرلەرى دە يە بولدى. ونىڭ كولەمى 30 مىڭ تەڭگەدەن باستاپ 100 مىڭعا دەيىن جەتتى. قارجىلاي كومەكتەن بولەك،ارداگەرلەرگە ازىق-تۇلىك قورجىنى، العىس حاتتار مەن مەرەيتويلىق مەدالدار تابىس ەتىلەدى. 

– مەرەيتويلىق مەدالدار ءقازىردىڭ وزىندە اۋدان-قالالارعا جىبەرىلدى. ەلىمىزدەگى توتەنشە جاعدايعا بايلانىستى جەرگىلىكتى جەرلەردەگى ءار اكىمدىك ونى ارداگەرلەرگە جەتكىزىپ تابىستايدى. ارينە، بۇل رەتتە ۆولونتەرلەر، اكىمدىك قىزمەتكەرلەرى جۇمىلدىرىلادى، – دەدى بلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ءاليا مەكەبايەۆا.