تۇركيالىق TAV Airports Holding حولدينگى الماتى اۋەجايى اكسياسىنىڭ ءجۇز پايىزىن 415 ميلليون دوللارعا ساتىپ الدى. بۇل تۋرالى كومپانيانىڭ باسپا ءسوز قىزمەتى حابارلادى.

TAV Airports حولدينگىنىڭ كونسورسيۋمداعى ۇلەسى 75 پايىزدان كەم بولماعان. الدا قۇجاتتاردىڭ بارلىعى زاڭدىق تۇرعىدان رەتتەلگەن سوڭ بارلىق اكسيانى تابىس ەتۋ جۇزەگە اسپاق.

الماتى اۋەجايى TAV Airports Holding پورتفولەسىندە 15ء-شى بولىپ تۇر.

– قازاقستان گەوگرافيالىق جاعىنان دا، ەكونوميكالىق جاعىنان دا ءىرى ەل. الماتى – ىشكى جالپى ءونىمنىڭ 20 پايىزى تۇتىنىلاتىن ۇلكەن قالا. ودان باسقا «زاماناۋي جىبەك جولىنىڭ»، ياعني، جۇڭگو، ەۋروپا، افريكانى بايلانىستىرىپ تۇرعان ءىرى ورتالىق. ونىڭ الەۋەتى زور. ءبىز ءوزىمىزدىڭ بىلىمىمىزگە سۇيەنىپ، ىس-ارەكەتتەردى جۇزەگە اسىراتىن بولامىز، – دەيدى حولدينگتىڭ پرەزيدەنتى جانە باس ديرەكتورى ساني شەنەر.