وتكەن عاسىرداعى سۇراپىل سوعىس كەزىندە مايدان دالاسىنا ءوز ەركىمەن سۇرانىپ بارعاندار كوپ ەدى. سونىڭ ءبىرى – الماتىلىق باتىر ءشارىپ مىقيتانوۆ.

ونىڭ بالالىق كەزى ەلىمىزدەگى قۋعىن-سۇرگىن جانە اشارشىلىق جىلىنا تاپ بولادى. سوعىس باستالاردا نەبارى 18-دە بولعان ەكەن. فاشيستەرمەن شايقاس باستالعان جىلى بوزبالا ءشارىپ وجەتتىلىگىمەن كوزگە ءتۇسىپ، 28 پانفيلوۆشىلار قاتىسقان ديۆيزيانىڭ ۆزۆود كومانديرى بولادى. ءبىر ۇيدەن ءاعالا-ىنىلى ەكەۋ مايدانعا اتتانىپ، وتان قورعاۋ جولىندا ەرەكشە ەرلىك كورسەتتى.  

– ۇلى وتان سوعىسىنىڭ 4 وردەنىمەن، 6 مەدالىمەن ماراپاتتالعان. 1987 جىلى قىركۇيەكتىڭ 18 كۇنى ومىردەن ءوتتى. وسىنداي جاقسى ازاماتتاردىڭ، ابزال اعالاردىڭ ارقاسىندا جاقسى ءومىر ءسۇرىپ جاتىرمىز. ولاردى ءبىز ماڭگى ۇمىتپايمىز، ەسىمىزدە بولادى، – دەيدى ش. مىقيتانوۆتىڭ جارى تولەۋحان اقجولوۆا.