ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ورتالىق كوممۋنيكاسيالار قىزمەتىندە وتكەن ونلاين بريفينگتە 11 مامىرعا دەيىن 42 500 تەڭگەگە ءوتىنىش بەرگەن ازاماتتاردىڭ وتىنىشتەرى مىندەتتى تۇردە قارالىپ، تاعايىندالاتىنىن اتاپ ايتتى.

– 42 500 تەڭگە مولشەرىندەگى تولەم – تج رەجيمىندەگى شەكتەۋلەرگە بايلانىستى تابىسىنان، جالاقىسىنان ايىرىلعان جاعدايدا تولەنەدى. بۇگىنگى كۇنگە دەيىن 4 ملن 539 مىڭ ادامعا تولەم تاعايىندالىپ، تولەندى. بۇعان 193 ملرد تەڭگە جۇمسالدى. ونىڭ ىشىندە توتەنشە جاعدايدىڭ ءبىرىنشى ايىندا، ياعني 16 ساۋىرگە دەيىن وتىنىشتەرىن وتكىزگەندەر – 3 ملن 735 مىڭ ادام. وسى ادامدار ەكىنشى ايدا دا تولەم الۋعا قۇقىلى. ول تولەمدەردى مامىر ايىنان باستاپ ىسكە اسىرا باستادىق. دەمالىستىڭ الدىندا 5-6 مامىر كۇنى 2 ملن-عا جۋىق ادامنىڭ شەشىمىن راسىمدەپ، 99 ملرد تەڭگە بانكتەرگە جىبەردىك. ءبىراز ازامات الىپ ۇلگەردى. بۇل تولەمدەر باسقا ادامدارعا ياعني قالعاندارىنا دا بەرىلەدى، – دەپ ايتتى ب. نۇرىمبەتوۆ.

مينيستر 11 مامىردان كەيىن 42 500 تەڭگەگە جاڭادان بەرىلىپ جاتقان وتىنىشتەردىڭ قابىلداۋى توقتاتىلاتىنىن  اتاپ ايتتى.

– 11 مامىردا توتەنشە جاعدايدىڭ مەرزىمى اياقتالۋىنا قاراي 42 500 تەڭگەگە جاڭادان بەرىلىپ جاتقان وتىنىشتەردىڭ قابىلداۋى توقتاتىلادى. ءبىراق 11 مامىرعا دەيىن وتكىزىلگەن وتىنىشتەردىڭ بارلىعى مىندەتتى تۇردە قارالىپ، ەرەجەگە سايكەس بولسا تاعايىندالىپ، تولەنەتىن بولادى، – دەدى مينيستر.