ق ر قارجى مينيسترلىگىنىڭ مەملەكەتتىك كىرىستەر كوميتەتى باقىلاۋ-كاسسالىق ماشينا فيسكالدىق چەگىن بەرمەۋ فاكتىلەرىن انىقتاۋعا ارنالعان «قوعامدىق باقىلاۋ – تۇبىرتەكتى تالاپ ەت» اكسياسىن بۇگىننەن قايتا باستادى. بۇل تۋرالى قازاقپارات حابارلادى.

اتالعان ۆەدومستۆو باسپا ءسوز قىزمەتىنىڭ مالىمەتىنشە، «قوعامدىق باقىلاۋ – تۇبىرتەكتى تالاپ ەت» اكسياسىنا كەز-كەلگەن ۇمىتكەر قاتىسا الادى. بارلىق جولدانعان وتىنىشتەر مەملەكەتتىك كىرىستەر ورگاندارىندا قارالادى. App Store نەمەسە Play market-تەن «Wipon» ءموبيلدى قوسىمشاسىن تەگىن جۇكتەپ الىپ، فيسكالدى چەكتى بەرمەۋ بۇزۋشىلىق فاكتىلەرى تۋرالى حابارلاۋعا بولادى. فيسكالدى چەكتى بەرمەۋ فاكتىسى راستالعان جاعدايدا، تەلەفوننىڭ تەڭگەرىمىنە (1000 تەڭگە) سىياقى بەرىلەدى.

2019 جىلى ازاماتتاردىڭ حابارلاۋى بويىنشا اكسيا جۇرگىزۋ بارىسىندا 940 دەرەك راستالدى، ولارعا 940 مىڭ تەڭگە سوماسىندا سىياقى تولەندى.

مەملەكەتتىك كىرىستەر كوميتەتى قازاقستان رەسپۋبليكاسىنىڭ بارلىق ازاماتتارىن وزدەرىنىڭ ازاماتتىق ۇستانىمىن، زاڭ بۇزۋشىلىققا توزبەۋگە جانە «قوعامدىق باقىلاۋ – تۇبىرتەكتى تالاپ ەت» اكسياسىنا بەلسەندى تۇردە قاتىسۋعا شاقىرادى.