الماتىدا ۇرىلار بۋتيكتەردى توناۋ قىلمىسى ۇستىندە ۇستالدى. بۇل تۋرالى Polisia.kz حابارلادى.

كۇدىكتىلەر قۇلىپتى بۇزۋ ارقىلى كيىمدەر ساتىلاتىن دۇكەندەرگە كىرىپ، قۇندى دەپ ساناعاننىڭ ءبارىن ۇرلاعان. بەلگىلى بولعانداي، ەكى ەر ادام دا بۇرىن وسىعان ۇقساس قىلمىسى ءۇشىن بىرنەشە رەت سوتتالعان.

– ولار تەك جەكە ۇيىمداردىڭ ءۇي-جايلارىنا كىرگەن: سپورت كيىمدەرى بۋتيكتەرىنە، ايەلدەر اكسەسسۋارلارىنا، سۇلۋلىق سالوندارىنا، شاشتارازدار مەن باسقا نىساندارعا كىردى. بۇل ادامدار كەڭسە كومپيۋتەرلەرىنەن ءىش كيىمگە دەيىن ۇرلاعان، – دەدى الماتى قالالىق پوليسيا دەپارتامەنتى كريمينالدىق پوليسيا باسقارماسى باسشىسىنىڭ مىندەتىن اتقارۋشى ابزال تۇرعانالى.

قۇلىپتاردى اشۋ ءۇشىن قىلمىسكەرلەر وزدەرىمەن بىرگە ارماتۋرا قايشىلارىن الىپ جۇرگەن. كۇدىكتىلەر ۇزاق ۋاقىت بويى وزدەرىنىڭ قىلمىستىق ىسىمەن اينالىسا الماعان. جەدەل-ىزدەستىرۋ ءىس-شارالارىن جۇرگىزۋ بارىسىندا ولار قىلمىس ۇستىندە ۇستالدى. قازىرگى ۋاقىتتا ايىپتالۋشىلاردىڭ ەكەۋى دە الماتى قالالىق پوليسيا دەپارتامەنتى ۋاقىتشا ۇستاۋ يزولياتورىنا قامالدى. ق ر قىلمىستىق كودەكسىنىڭ 188-بابى 3ء-بولىمى (ءىرى كولەمدە جاسالعان ۇرلىق) بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر. 

ۇستالعانداردىڭ باسقا دا زاڭسىز ارەكەتتەرگە قاتىسى بار-جوعى تەكسەرىلىپ جاتىر.