ەندى قازاقستاندىقتار 42 500 تەڭگەنى ۇيالى تەلەفون نومىرىمەن الا الادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.
"42 500 تەڭگە"الەۋمەتتىك تولەمىن بانك شوتىنىڭ جوقتىعىنان الا الماعان ازاماتتار ەندى ونى IBAN شوتىن ۇسىنباي-اق، ۇيالى تەلەفون نومىرىندەگى "ۇيالى بايلانىس وپەراتورىنىڭ ەلەكتروندىق ءاميانىنداعى" جەكە شوتى ارقىلى الا الادى. اعىمداعى جىلدىڭ 6 مامىرىندا توتەنشە جاعداي كەزىندە تابىستان ايىرىلۋعا بايلانىستى مەملەكەتتىك الەۋمەتتىك ساقتاندىرۋ قورىنان (بۇدان ءارى - ءماسق) تولەم تاعايىنداۋ قاعيدالارىنا (بۇدان ءارى - قاعيدالار) ءتيىستى وزگەرىستەر ەنگىزىلدى"، - دەلىنگەن مينيسترلىكتىڭ حابارلاماسىندا.
ۇيالى بايلانىس وپەراتورىنىڭ ەلەكتروندىق ءاميانىنىڭ" شوتىنا الەۋمەتتىك تولەم الۋ ءۇشىن SMS-حابارلاما ارقىلى ءوزىنىڭ كەلىسىمىن راستاۋى قاجەت دەيدى.
"ازاماتتان جاۋاپ العاننان كەيىن وپەراتور الۋشىنىڭ جەكە سايكەستەندىرۋ ءنومىرىن (بۇدان ءارى – جسن) تەكسەرىپ، ۇيالى تەلەفونىنىڭ جەكە شوتىنا اقشانى جىبەرەدى. ونى حالىق بانكىنىڭ بانكوماتتارى نەمەسە قازپوشتا بولىمشەلەرى ارقىلى الۋعا بولادى. ارنايى ءموبيلدى ەلەكتروندىق ءاميان قوسىمشاسىنىڭ كومەگىمەن 2000-عا جۋىق قىزمەتتىڭ اقىسىن تولەۋگە بولادى. مەحانيزم پيلوتتىق تارتىپتە جۇزەگە اسىرىلدى. بۇل نۇسقا قىتايدا، ءۇندىستاندا، ءبىرقاتار ەۋروپا جانە ازيا ەلدەرىندە ءساتتى قولدانىلۋدا"، - دەيدى ۆەدومستۆوداعىلار.
پىكىر قالدىرۋ