بۇگىن ق ر پرەمەر-مينيسترىنىڭ ورىنباسارى ە. توعجانوۆتىڭ توراعالىعىمەن وتكەن كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا ەكونوميكا سالالارىن قالپىنا كەلتىرۋگە جانە حالىقتى جۇمىسپەن قامتۋعا باعىتتالعان ءبىرقاتار ناقتى شەشىمدەر قابىلداندى.

2020 جىلعى 18 مامىردان باستاپ سانيتارلىق تالاپتارعا ساي جۇمىس ىستەۋگە رۇقسات بەرىلەدى:

- قوناق ۇيلەرگە؛

- سىيىمدىلىعى 30 ادامدىق ورىنعا دەيىنگى قوعامدىق تاماقتانۋ وبەكتىلەرىنە؛

- تازا اۋادا قىزمەت كورسەتەتىن قوعامدىق تاماقتانۋ وبەكتىلەرىنىڭ جازعى الاڭدارىنا؛

سونىمەن قاتار، اعىمداعى جىلعى 18 مامىردان باستاپ جالپى عيمارات كولەمىنىڭ 30 پايىزىن عانا تولتىرا وتىرىپ سانيتارلىق نورمالاردى ساقتاۋمەن ءدىني قۇلشىلىق جاساۋ نىساندارى جۇمىسقا كىرىسەدى.   

2020 جىلعى 1 ماۋسىمنان باستاپ مەملەكەتتىك باس سانيتارلىق دارىگەردىڭ تالاپتارىن ساقتاۋدى ەسكەرە وتىرىپ، كەزەڭ-كەزەڭمەن ىشكى تەمىرجول قاتىناسىن جانداندىرۋ جوسپارلانىپ وتىر. بيلەتتەر 2020 جىلعى 15 مامىردان ساتىلا باستايدى.