قازاقستاندا تىنىشتىق ساقتاۋ ۋاقىتى ۇزاردى. بۇگىن پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا تالقىلاۋ كەزىندە «تىنىشتىق رەجيمىن» ساقتاۋ ماسەلەسى قارالدى.
«قازاقستان رەسپۋبليكاسى كونستيتۋسياسىنىڭ 14-بابىنىڭ زاڭ مەن سوت الدىندا جۇرتتىڭ ءبارىنىڭ تەڭدىگى تۋرالى تالاپتارىن ساقتاۋ ماقساتىندا «تىنىشتىق رەجيمىن» ساقتاۋ بويىنشا ۋاقىت بارلىعى ءۇشىن بىردەي بولىپ بەلگىلەندى – جۇمىس كۇندەرى ساعات 22:00-دەن تاڭعى 9-عا دەيىن، دەمالىس جانە مەرەكە كۇندەرى ساعات 23:00-دەن تاڭعى 10-عا دەيىن»، - دەدى دەپۋتات زاۋرەش امانجولوۆا اتالعان زاڭ جوباسى بويىنشا بايانداماسىندا.
