119 مىڭ الماتىلىق كوممۋنالدىق شىعىندارعا وتەماقى الۋعا قۇقىلى. بۇل تۋرالى الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى اسەت ماسابايەۆ ايتتى.

ەستەرىڭىزگە سالا كەتەيىك، اعىمداعى جىلدىڭ 18 ءساۋىرى كۇنى ق ر يندۋستريا جانە ينفراقۇرىلىمدىق دامۋ مينيسترلىگى كوممۋنالدىق قىزمەت كورسەتۋشىلەرگە شىعىنداردى وتەۋ ەرەجەسىن بەكىتكەن بولاتىن.

22 ساۋىردە ەنەرگوتيىمدىلىك جانە ينفراقۇرىلىمدىق دامۋ باسقارماسى حالىقتان كوممۋنالدىق قىزمەتتەردىڭ شىعىنىن 15 مىڭ تەڭگەدەن وتەۋ بويىنشا وتىنىشتەردى قابىلدايتىن بايلانىس ورتالىعىن ۇيىمداستىردى.

بۇعان دەيىن قولدانىلىپ كەلگەن ەرەجەلەرگە سايكەس ءوتىنىش بىلدىرگەن جانە جەكە شوتى بار تومەندەگى ساناتتاعى ادامدارعا كومەك بەرىلىپ كەلگەن بولاتىن:
– 1ء-شى، 2ء-شى، 3ء-شى توپتاعى مۇگەدەكتەر؛
– مۇگەدەك بالالاردى تاربيەلەپ وتىرعان وتباسىلار؛
– كوپ بالالى وتباسىلار؛
– ۇلى وتان سوعىسىنىڭ مۇگەدەكتەرى مەن قاتىسۋشىلارى جانە ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛
– مەملەكەتتىك نەمەسە قوعامدىق مىندەتتەردى ورىنداۋ، اسكەري قىزمەت اتقارۋ كەزىندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومىرىن قۇتقارۋ، قۇقىقتىق ءتارتىپتى قورعاۋ كەزىندە قازا تاپقان ادامداردىڭ وتباسىلارى؛
– ەڭ تومەنگى جانە ودان تومەن زەينەتاقى الاتىن جالعىز باستى زەينەتكەرلەر؛
– اتاۋلى الەۋمەتتىك كومەك الاتىن ازاماتتار.

ەسكەرتە كەتسەك، اتالعان ساناتتارعا جاتاتىن ادامداردىڭ ءتىزىمىن الەۋمەتتىك ءال-اۋقات باسقارماسى دايىندادى.

ال 10 مامىر كۇنگى جاعداي بويىنشا الەۋمەتتىك ءال-اۋقات باسقارماسى كوممۋنالدىق قىزمەتتەر بويىنشا شىعىنداردىڭ وتەلۋىنە قۇقىعى بار ادامداردىڭ سانىن 62 مىڭنان 119 مىڭعا دەيىن ارتتىردى.

وتىنىشتەردى قابىلداۋ بارىسىندا ءبىرقاتار پروبلەمالىق سۇراقتار تۋىنداعان. ماسەلەن، حالىقتىڭ الەۋمەتتىك جاعىنان وسال توپتارىنا جاتاتىن كوپتەگەن قالا تۇرعىندارى جەكە ەسەپ شوتتارىن وزىنە ەمەس، وتباسى مۇشەلەرىنىڭ بىرىنە راسىمدەگەن. وسىعان بايلانىستى، وڭىرلەر مەن الماتى قالاسى ەرەجەگە جەكە شوت وتباسى مۇشەلەرىنىڭ بىرىنە راسىمدەلگەن كەزدە شىعىنداردىڭ وتەلۋ مۇمكىندىگىنە قاتىستى وزگەرىستەر ەنگىزۋ بويىنشا ۇسىنىستار بەردى. ونى يندۋستريا مينيسترلىگى تولىق كولەمدە قولداپ، 2020 جىلعى 10 مامىردا وزگەرىستەر ەنگىزدى.

– كوممۋنالدىق قىزمەتتى پايدالانۋ بويىنشا وتەماقىنى الۋعا وزىنە ەسەپشوت اشىلماعان جاعدايدا ءوزى تۇراتىن نەمەسە مۇقتاج ادامدارمەن بىرگە تۇراتىن وتباسى مۇشەلەرىندە ەسەپشوت بولسا، 15 مىڭ تەڭگەنى سوعان جىبەرەتىن بولدىق. وسى ورايدا 341-05-27، 377-74-44 نومىرلەرى بويىنشا حابارلاسىپ، ءوزىنىڭ ءتيىستى ساناتتاعى ادام ەكەندىگىن ايتىپ جانە كىمگە ەسەپ شوتتىڭ اشىلعانىن ايتسا، ءبىز اقشانى بىردەن اۋدارامىز. بۇل جەردە ءبىر ايتا كەتەتىنى، "نەكە جانە وتباسى" تۋرالى كودەكستىڭ 1-تارماقشاسىنا سايكەس وتباسى مۇشەلەرىنە كىم جاتادى: ەرلى-زايىپتىلار، اتا-انالار جانە بالالار. ءبىز كەشە ادامدارعا قيىندىق تۋعىزباۋ ماقساتىندا شەشىم قابىلدادىق. جوعارىدا اتالعان ساناتقا كىرەتىن ازاماتتار ءبىزدىڭ ورتالىققا حابارلاسىپ، ءوزى جايلى اقپارات بەرىپ، قاي ەسەپشوتقا اقشا جىبەرۋ كەرەكتىگىن ەسكەرتەر بولسا، ءبىز ونى ارىز تۇرىندە قابىلدايمىز. ياعني ول كىسىنىڭ ساناتىن عانا راستايمىز، ال قالعان اقپاراتقا، ياعني زاڭ اياسىندا تۋىندايتىن جاۋاپكەرشىلىكتى راستاپ وتىرعان كىسى ءوز موينىنا الادى، – دەدى اسەت ماسابايەۆ.

باسقارما باسشىسىنىڭ ايتۋىنشا، وسى ۋاقىتقا دەيىن كوممۋنالدىق قىزمەت ءۇشىن 15 مىڭ تەڭگە الۋعا ورتالىق نومىرلەرىنە 158 620 ادام حابارلاسقان. ونىڭ ىشىندە 20 449 ادامنىڭ الەۋمەتتىك مارتەبەسى عانا راستالعان. «قالعان ازاماتتار حالىقتىڭ الەۋمەتتىك وسال توبى ساناتىنا كىرمەگەندىكتەن، ولارعا بۇل كومەك كورسەتىلمەيدى» دەگەندى باسقارما باسشىسى ەرەكشە ەسكەرتىپ ايتتى.

– كوميسسيانىڭ شەشىمىنە سايكەس كوممۋنالدىق مەنشىك بويىنشا كومەك ءساۋىر جانە مامىر ايلارى ءۇشىن بەرىلەدى. ياعني، ءساۋىر ايى ءۇشىن جاردەماقى مامىر ايىندا بەرىلسە، مامىر ايى ءۇشىن ماۋسىم ايىندا بەرىلەدى. ەگەر ءسىز مۇقتاج توپقا جاتاتىن ادامداردىڭ قاتارىنان بولىپ، وسى كومەكتى الۋ ءۇشىن مامىر نە ماۋسىم ايلارىندا دا حابارلاسساڭىز، كومەك الا الاسىز، ۋاقىتتان كەشىكپەيسىز، – دەدى اسەت ماسابايەۆ.

ايتا كەتەيىك، كولل-ورتالىققا جۇگىنەر بولساڭىز ءوزىڭىزدىڭ جسن مەن ساناتىڭىزدى جانە جەكە شوتتى ايتۋ قاجەت.

تۇرعىنداردان كوممۋنالدىق قىزمەت شىعىندارىن 15 مىڭ تەڭگەدەن وتەۋ بويىنشا وتىنىمدەردى قابىلداۋ بويىنشا بايلانىس ورتالىعىنا تومەندەگى تەلەف