امەريكا ستراتەگيالىق يادرولىق بومبالاۋشى ۇشاقتارىنىڭ ءۇش ءتۇرىنىڭ بارلىعىن الىس قاشىقتىققا جىبەردى. بۇل تۋرالى قامشى ءتىلشىسى The Sun گازەتىنە سىلتەمە جاساپ حابارلايدى.
"B-2 Spirit" بومبالاۋشى، "B-52H Stratofortress" جانە "B-1B Lancer" اسكەري ۇشاقتارىنىڭ ءبارى يادرولىق بومبالار مەن كرۋيزدىك زىمىرانداردى تاسىمالداۋعا قابىلەتتى.
"ولار ەۋروپا جانە ءۇندى-تىنىق مۇحيتى ايماعىنىڭ اسپانىندا ۇشتى. بۇل رەسەي ءۇشىن، اسىرەسە جۇڭگو ءۇشىن ايقىن سيگنال" دەپ جازدى بريتانيالىق The Sun گازەتى.
ايتا كەتەيىك، بۇعان دەيىن وڭتۇستىك جۇڭگو تەڭىزىندەگى داۋلى ايماقتارداعى شيەلەنىس ءۇشىن اقش ەكى رەت سوعىس كەمەلەرى مەن اسكەري ۇشاق تاسۋشى كەمەلەرىن جىبەرگەن.
ۆاشينگتوننىڭ بۇل قادامعا بارۋىنا مالايزياعا تيەسىلى اۋماقتا مۇناي بۇرعىلاپ جاتقان پانامانىڭ جالاۋىن كوتەرگەن West Capella كەمەسىنە جۇڭگو كەمەلەرىنىڭ قىسىم جاساعانى تۋرالى حابارلامالار سەبەپ بولعان.
پىكىر قالدىرۋ