شىعىس قازاقستان وبلىسىندا كارانتين ماۋسىمنىڭ بىرىنە دەيىن سوزىلدى. بۇل تۋرالى ايماقتىڭ باس سانيتار دارىگەرىنىڭ قاۋلىسىندا ايتىلدى.
وڭىردە كوروناۆيرۋس ىندەتىنىڭ تارالۋى ءالى دە ءقاۋىپتى دەڭگەيدە. اسىرەسە سەمەيدە سوڭعى بىرنەشە تاۋلىكتە ينفەكسيانى جۇقتىرعاندار كۇرت كوبەيىپ كەتتى. ال شاھارداعى بالاباقشا مەن قوسىمشا ءبىلىم بەرەتىن مەكەمەلەردىڭ جۇمىسى ازىرگە باستالمايدى. دەگەنمەن قالالىق ءبىلىم ءبولىمى، ەگەر ەپيديمولوگيالىق جاعداي وڭالسا، كەزەكشىلىك توپتار اشىلادى دەپ كۇتىلۋدە. ءقازىر سەمەي قالاسى بويىنشا 10 مىڭنان اسا ءبۇلدىرشىن بالاباقشاعا بارادى.
– كەزەك توپتارىن قاراستىرۋ جانە باسقا دا جۇمىستاردى ارى قاراي جالعاستىرۋ ءۇشىن قالالىق ءبىلىم بولىمىندە جۇمىستار جۇرگىزىلىپ جاتىر. بولاشاقتا ەندي ءبىز ءبىر شەشىمگە كەلگەننەن كەيىن ول تۋرالى دا، ءوز شەشىمىزدى ايتامىز، – دەدى قالالىق ءبىلىم ءبولىمى باسشىسىنىڭ ورىنباسارى گۇلنار ورازبەكوۆا.
پىكىر قالدىرۋ