"مىسىقتار كوروناۆيرۋستىڭ ەشقانداي بەلگىلەرى بايقالماي-اق باسقا مىسىقتارعا اۋرۋ تاراتۋى مۇمكىن" دەيدى زەرتحانالىق تاجىريبە قورىتىندىسى. بۇل تۋرالى قامشى ءتىلشىسى Associated Press-كە سىلتەمە جاساپ حابارلايدى.
كەيبىر عالىمدار ۆيرۋستىڭ ادامداردان مىسىقتارعا جۇعىپ جانە ادامدارعا قايتادان تارالۋى مۇمكىن ەكەندىگى تۋرالى بولجامدار جاساۋدا. ول بولجامدى ناقتىلاۋ ءۇشىن جالعاستى زەرتتەۋ جۇرگىزۋ كەرەك.
ۆيرۋس ساراپشىسى پيتەر حالفمانننىڭ ايتۋىنشا، بۇل ءقاۋىپ تۋرالى الاڭداۋشىلىق بىلدىرگەندەردىڭ ءبارى "جالپى سانالى گيگيەنانى" قولدانۋى كەرەك. "جانۋارلارىڭىزدى سۇيمەڭىز جانە بەتىڭىزدى تازا ۇستاڭىز، ول جانۋار ۆيرۋستى جۇقتىرعان بولۋى مۇمكىن" دەدى ول.
كەيبىر زەرتتەۋشىلەر توبى ءۇي جانۋارلارى مەن ادامدار اراسىندا كوپتەگەن اۋرۋلاردىڭ تارايتىنىن اتاپ ءوتتى. ولار "گيگيەنا ءاردايىم ماڭىزدى: ءۇي جانۋارلارىنا قول تيگىزبەستەن بۇرىن جانە ودان كەيىن قولىڭىزدى جۋىڭىز، ءۇي جانۋارلارىڭىزدى جانە ونىڭ تاعامدارى مەن سۋ ىدىستارىن تازا ۇستاڭىز" دەگەن كەڭەس بەردى.
پىكىر قالدىرۋ