جىل باسىنان بەرى جۇمىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان (ءماسق) الەۋمەتتىك تولەم الۋشىلاردىڭ سانى 30،5 مىڭ ادامدى قۇرادى، بۇل رەتتە اعىمداعى جىلعى ءساۋىر ايىندا 3،2 مىڭ ازاماتقا جاردەماقى تاعايىندالدى. بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى حابارلادى.
قولدانىستاعى زاڭناماعا سايكەس جۇمىستان بوساتىلعان قىزمەتكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايرىلۋى بويىنشا الەۋمەتتىك تولەمدەر الادى. تولەم جوعالعان كىرىستىڭ 40%-ىنا دەيىنگى مولشەرىندە ءماسق قاراجاتى ەسەبىنەن جۇزەگە اسىرىلادى.
تولەم تاعايىنداۋ ءۇشىن جۇمىستان بوساتىلعان قىزمەتكەرگە:
- Egov.kz پورتالىندا اۆتوريزاسيالانۋ؛
- «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» قىزمەتىن تاڭداۋ؛
- ونلاين قىزمەتكە تاپسىرىس بەرىپ، بارلىق الاڭداردى تولتىرىڭىز جانە وعان ەسق-مەن قول قويىپ، ءوتىنىمدى جىبەرىڭىز؛
- ءبىر كۇن ىشىندە ءسىزدىڭ تۇرعىلىقتى جەرىڭىزدەگى حالىقتى جۇمىسپەن قامتۋ ورتالىعى (بۇدان ءارى – حجقو) سىزگە بوس جۇمىس ورىندارىن ۇسىنادى؛
- ەگەر جۇمىس تابىلماسا، 3 جۇمىس كۇنى ىشىندە سىزگە قاشىقتىقتان جۇمىسسىز مارتەبەسى بەرىلەتىن بولادى (قاجەت بولعان جاعدايدا قوسىمشا اقپارات جيناۋ ءۇشىن سىزبەن حجقو قىزمەتكەرى حابارلاسادى).
جۇمىسسىز رەتىندە تىركەلگەنى تۋرالى مالىمەتتەر بولعان كەزدە ەڭبەك مينيسترلىگىنىڭ اقپاراتتىق جۇيەسى پرواكتيۆتى فورماتتا ءماسق-تان تولەمدى تاعايىنداۋ بويىنشا قىزمەت كورسەتۋگە كەلىسىم بەرۋگە موبيلدىك تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.
ەستەرىڭىزگە سالا كەتەيىك، ءماسق قاراجاتى ەسەبىنەن جۇمىسىنان ايىرىلعان جاعدايدا تولەنەتىن الەۋمەتتىك تولەم جۇمىستان شىعۋ سەبەپتەرىنە قاراماستان جۇزەگە اسىرىلادى جانە جۇمىسسىز ادامدى ول جۇمىس ىزدەگەن كەزەڭدە قولداۋعا ارنالعان.
پىكىر قالدىرۋ