پەداگوگيكالىق شەبەرلىك ورتالىعىنىڭ وسكەمەندەگى فيليالى قاشىقتىقتان جۇمىس ىستەۋدە. مۇنداعى باستى ماقسات – پەداگوگتەرگە قاشىقتان وقىتۋدى ۇيىمداستىرۋدا جان-جاقتى ادىستەمەلىك كومەك كورسەتۋ.
- ءساۋىر ايىندا شقو مۇعالىمدەرى ءۇشىن 44 ۆەبينار مەن 108 كونسۋلتاسيا ۇيىمداستىرىلدى. وعان 8257 پەداگوگ قاتىستى. ۆەبينار بارىسىندا وزەكتى تاقىرىپتار تالقىلاندى. اسىرەسە، قاشىقتىقتان وقىتۋ بارىسىندا ءتيىمدى كەرى بايلانىس ورناتۋ، اتا-انالار مەن بالالارعا پسيحولوگيالىق قولداۋ كورسەتۋ سىندى تاقىرىپتار قوزعالدى، - دەدى پەداگوگيكالىق شەبەرلىك ورتالىعىنىڭ وسكەمەندەگى فيليالىنىڭ ديرەكتورى گۇلجان زەينولدينا.
پەداگوگيكالىق شەبەرلىك ورتالىعىنىڭ وسكەمەندەگى فيليالىنىڭ ترەنەرلەرى شقو مۇعالىمدەرىنە «قاشىقتىقتان وقىتۋ اياسىندا جالپى ءبىلىم بەرەتىن مەكتەپتەردەگى 1-10 سىپىتاردا ءبولىم بويىنشا جيىنتىق باعالاۋ (بجب) جانە توقسان بويىنشا جيىنتىق باعالاۋ (تجب)» تاقىرىبى بويىنشا ءتۇسىندىرۋ جۇمىستارىن جۇرگىزدى.
- قازىرگى جاعدايدا مۇعالىمدەردىڭ بىلىكتىلىگىن ارتتىرۋعا بايلانىستى بىرنەشە باعدارلامانى ونلاين-كۋرسقا اۋىستىردىق، مىسالى مەكتەپ ديرەكتورىنىڭ تاربيە بويىنشا ورىنباسارلارىنا ارنالعان كۋرستى ماۋسىم ايىندا ونلاين تۇردە باستايمىز دەپ جوسپارلاپ وتىرمىز، - دەدى گۇلجان توقتارحان قىزى.
پىكىر قالدىرۋ