العاش رەت قازاقستان حالقىنىڭ بىرلىگى مەن قازاقستان حالقى اسسامبلەياسىنىڭ كۇنى مەرەكەلىك شەرۋسىز، كونسەرتسىز، بايقاۋسىز ءوتتى. ەلىمىزدە جاريالانعان توتەنشە جاعدايعا بايلانىستى شىعىسقازاقستاندىقتار بۇل مەيرامدى وتباسىمەن بىرگە قارسى الدى.
قازاقستان حالقى اسسامبلەياسىنىڭ مۇشەلەرى، وبلىستىق ەتنومادەني بىرلەستىكتەر مەن دوستىق ءۇيى-قوعامدىق كەلىسىم ورتالىعى، سونداي-اق شىعارماشىلىق ۇجىمدار بەرەكە-بىرلىكتى نىعايتۋعا ۇلەس قوسىپ كەلەدى.
– كاراتين كەزىندە بوس وتىرعان جوقپىز. ءبىزدىڭ ارىپتەستەرىمىز ۇلتتىق تاعامداردى ازىرلەپ ۇيرەتۋ ءۇشىن اسپازدىق شەبەرلىك سىنىپتارىن ۇيىمداستىردى. بەينەروليكتەر ارقىلى حالىقتى قۇتتىقتاپ، جىلى لەبىزدەرىن ءبىلدىردى. 1 مامىر كۇنى ارتىستەر ونلاين رەجيمدە كونسەرت وتكىزدى. وندا ۇلتتىق بيلەر مەن حالىق اندەرىن ورىندالدى. كونسەرتتى وبلىس تۇرعىندارى ونلاين رەجيمدە تاماشالادى. جالپى ءبىزدىڭ كونسەرت ۇيىمداستىرۋداعى باستى ماقساتىمىز – قازاق حالقىنا العىس ايتۋ، – دەدى شقو-داعى ءازىربايجان ەتنومادەني بىرلەستىگىنىڭ ءتوراعاسى ەلۆين دەميرچييەۆ.
قازاقستان حالقى اسسامبلەياسىنىڭ باستى ۇستانىمى «كۇش بىرلىكتە» ەكەنىن كورسەتۋ. قازاقستان حالقى اسسامبلەياسىنىڭ شقو-داعى فيليالى بارلىق شاراعا بەلسەنە قاتىسىپ كەلەدى.
ونلاين كونسەرتتە قازاقستان حالقى اسسامبلەياسىنىڭ مۇشەسى لەو شيك، «ۆايناح» شەشەن-ينگۋش ەتنومادەني بىرلەستىگىنىڭ ءتوراعاسى تاتيانا كاگەرمانوۆا، «اق نيەت» فولكلورلىق ءانسامبلىنىڭ جەتەكشىسى مايرا مۋرساليموۆا جانە تاعى باسقالار اقجارما تىلەكتەرىن ارنادى.
– قازاقستاندا تۇراتىن بارلىق ۇلت وكىلدەرى ءبىر-بىرىن قۇرمەتتەيدى. 1 مامىر ءبىز ءۇشىن پاتريوتتىق بەلگىسى ىسپەتتەس. ءبىزدىڭ ءانسامبلدىڭ مۇشەلەرى قازاق جانە بەلورۋسس، اعىلشىن تىلدەرىندە ءان شىرقايدى، - دەدى «گارمونيا» بەلورۋسس ۆوكالدىق توبىنىڭ كوركەمدىك جەتەكشىسى ناتاليا كۋزنەسوۆا.
بۇل مەرەكەنىڭ تويلانۋىنا قازاقستان رەسپۋبليكاسىنىڭ تۇڭعىش پرەزديدەنتى-ەلباسى نۇرسۇلتان نازاربايەۆتىڭ سىڭىرگەن ەڭبەگى زور. 1995 جىلى ەلباسىنىڭ جارلىعىمەن قازاقستان حالقى اسسامبلەياسى قۇرىلدى. ءسويتىپ مەملەكەتىمىزدە قازاقستاندىق ەتنوستاردىڭ بەرەكە-بىرلىگى نىعايىپ، مادەنيەتتەرى مەن سالت-داستۇرلەرى جاڭعىرتىلدى. سونىمەن قاتار سول جىلدان باستاپ قازاقستان حالقىنىڭ بىرلىگى كۇنىن اتاپ ءوتۋ تۋرالى جارلىققا قول قويىلدى.
پىكىر قالدىرۋ