قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى توتەنشە جاعداي مەرزىمى اياقتالعاننان كەيىن مەشىتتەردە اتقارىلاتىن شارالار تۋرالى، قۇلشىلىق ۇيىنە كەلۋشى ازاماتتارعا قويىلاتىن تالاپتار جايىندا باسپا ءسوز ءماسليحاتىن وتكىزدى.

پرەزيدەنت جانىنداعى ورتالىق كوممۋنيكاسيالار قىزمەتىندە وتكەن بريفينگتە باس ءمۇفتي ناۋرىزباي قاجى تاعان ۇلى قاسيەتتى ءقادىر كەشىن ۇيدە وتكىزۋگە شاقىردى.

– بيىلعى رامازاننىڭ قاسيەتتى ءقادىر كەشى مامىر ايىنىڭ 19-ىنان 20-سىنا قاراعان تۇنگە سايكەس كەلىپ وتىر. 19 مامىردا مەشىت تاڭعى ساعات 7:00 مەن كەشكى 20:00 ارالىعىندا جۇمىس ىستەيدى. وسى رەتتە بارشاڭىزدى ءقادىر كەشىن ءوز ۇيلەرىڭىزدە وتكىزۋگە شاقىرامىن. تارتىپكە باعىنۋدى سۇرايمىز. بۇل – ءسىز بەن ءبىزدىڭ، ءوز وتباسىمىز بەن ەڭ جاقىن تۋىستارىمىزدىڭ دەنساۋلىعى مەن ءومىرىنىڭ يگىلىگى ءۇشىن قابىلدانعان شارا، – دەپ اتاپ ءوتتى باس ءمۇفتي.