ىشكى ىستەر مينيسترلىگىنە قاراستى "قازاقستان" ءساناتورييىنىڭ بۇرىنعى پرەزيدەنتى قازبەك سۇلتاننىڭ ايەلى الميرا سۇلتان كۇيەۋىن مەملەكەتتىك قاۋىپسىزدىك قىزمەتىنىڭ باستىعى قالمۇحانبەت قاسىموۆقا قارسى كۋالىك بەرۋدى ماجبۇرلەگەنىن مالىمدەدى. ونىڭ سوزىنشە، مۇنداي تالاپتى ىشكى ىستەر ءمينيسترى ەرلان تۇرعىمبايەۆ قويعان. بۇل تۋرالى ول ءوزىنىڭ facebook پاراقشاسىنا جازدى. 

"ىشكى ىستەر ءمينيسترى تۇرعىمبايەۆتىڭ بۇيرىعى بويىنشا تەرگەۋشىلەر م.سارباسوۆ جانە ب.ەسماحانوۆ جۇبايىمنان بۇرىنعى ىشكى ىستەر ءمينيسترى ق.قاسىموۆ پەن ونىڭ ورىنباسارى ب. بيسەنقۇلوۆقا قارسى كۋالىك بەرۋدى تالاپ ەتكەنىن ءبىلدىم.

بىرنەشە اي بۇرىن ب.ەسماحانوۆ باستاعان تەرگەۋ توبى ەلدە جاريالانعان توتەنشە جاعداي مەن كارانتين رەجيمىنە قاراماستان، ەشقانداي ادۆوكاتتىڭ قاتىسۋىنسىز مەنىڭ كۇيەۋىمدى تەرگەۋگە الدى. تەرگەۋ كەزىندە كۇيەۋىمە پسيحولوگيالىق تۇرعىدان قىسىم جاساعان. جانە ماناعىداي ۇسىنىس ايتقان. الايدا جولداسىم ول ۇسىنىستان باس تارتقان. سەبەبى جۇبايىم ەشكىمگە جالا جاپپايدى. ءبىراق ءوز بوستاندىعىنان ايىرىلىپ، 8 اي بويى نەگىزسىز تۇرمەدە وتىر. 

ءبىز تەرگەۋدىڭ بارلىق كەزەڭىندە ءۇنسىز قالدىق. ويتكەنى تەرگەۋشىلەر "بارلىق تۋىستارىڭدى تۇرمەگە جاۋىپ، ۇيىمداسقان قىلمىستىق توپ قۇرۋ فاكتىسى بويىنشا ءىس قوزعايمىز" دەپ قورقىتتى. قىسىم جاسالىپ، قورقىتقاندىقتان نە ىستەرىمىزدى بىلمەدىك. ءبىراق جاقىندا 25 جاستاعى قىزىمىزدى ۇستادى. قىزىم كارانتين كەزىندە ۇيدە بولدى، ءبىراق ونى دا اكەسى سەكىلدى تۇرمەگە جاپقىسى كەلدى. 8 ايدان كەيىن قىزىمدى تەرگەۋگە كەدەرگى كەلتىرۋى مۇمكىن دەگەن شەشىم قابىلداعانى اقىلعا سىيمايدى.

كورسەتىلگەن قىسىم مەن كۇندەلىكتى كۇيزەلىستىڭ كەسىرىنەن قىزىم تۇسىك تاستادى. ەندى ءبىز قورىقپاۋعا، ءۇنسىز قالماۋعا شەشىم قابىلدادىق. مەن ەشكىمدى قورقىتقىم كەلمەيدى، جاي عانا وبەكتيۆتى تەرگەۋدىڭ ءوتۋىن قالايمىن. مەنىڭ جۇبايىم اۋرۋ جانە قامقورلىققا مۇقتاج بولعاندىقتان تەرگەۋ يزولياتورىنان بوساتىلسا ەكەن دەيمىن" دەلىنگەن الميرا سۇلتان جازباسىندا.

ەسكە سالايىق، 5 مامىردا الماتىدا ىشكى ىستەر مينيسترلىگىنە قارايتىن «قازاقستان» ءساناتورييى بۇرىنعى پرەزيدەنتىنىڭ كەنجە قىزى قازبەك سۇلتاننىڭ ءىسى بويىنشا ۇستاعانى حابارلانعان.