اقش اسكەري ۇشقىشتارىنىڭ سەگىز بەيمالىم ۇشاتىن نىساندى كورگەنى تۋرالى اقپارات جاريالاندى. بۇل تۋرالى قامشى ءتىلشىسى The Express باسىلىمىنا سىلتەمە جاساپ حابارلايدى.
بەلگىسىز نىسانداردى وتە جاقىننان كورۋ تۋرالى مالىمەت «اقپارات بوستاندىعى تۋرالى» قۇجاتتا جاريالانعان. سەگىز ءتۇرلى جەكەلەگەن مالىمەتتە بەلگىسىز ۇشپالى نىساندار تۋرالى جازىلعان.
اقپاراتتاردىڭ بىرەۋىندە اۋە شارى ءتارىزدى نىساننىڭ سوقتىعىسى تۋرالى حابارلانعان، ال ەكىنشىسىندە اسكەري ۇشقىشتىڭ چەموداننىڭ ۇلكەندىگىندەي تاڭقالارلىق ۇشاقتى كورگەنى جازىلعان.
اقپاراتتاردىڭ جەتەۋىندە 2013/14 جىلداردا ۆيردجينيا مەن سولتۇستىك كارولينا جاعالاۋىنداعى اۋە كەڭىستىگىندە ورىن العان وقيعالار تۋرالى جازىلعان.
مالىمەتتەردىڭ ءبارىن "F / A-18E / F Super Hornet" جويعىش ۇشاقتارىمەن ۇشاتىن اقش اسكەري-تەڭىز كۇشتەرىنىڭ ۇشقىشتارى جازعان.
ايتا كەتەيىك، امەريكا ۇشقىشتارى تۇسىرگەن بەلگىسىز ۇشقىش نىسان تۋرالى ءۇش ۆيدەونى ەكى اپتا بۇرىن پەنتاگون رەسمي تۇردە جاريالاعان بولاتىن.
پىكىر قالدىرۋ