پرەزيدەنت قاسىم-جومارت توقايەۆ ۇلتتىق بانك ءتوراعاسى ەربولات دوسايەۆتى قابىلدادى. بۇل تۋرالى اقوردا حابارلادى.
ۇلتتىق بانك ءتوراعاسى مەملەكەت باسشىسىنا قارجى نارىعىنىڭ قازىرگى احۋالى مەن بيىلعى ءقاڭتار-ساۋىر ايلارىندا جۇزەگە اسىرىلعان اقشا-نەسيە ساياساتىنىڭ قورىتىندىلارى جونىندە مالىمەت بەردى.
سونداي-اق ەربولات دوسايەۆ داعدارىسقا قارسى شارالاردىڭ ىسكە اسىرىلۋى جانە ەكونوميكالىق ءوسىمدى قايتا قالپىنا كەلتىرۋ جولدارى تۋرالى باياندادى.
پرەزيدەنت ۇلتتىق بانك ءتوراعاسىنا جۇمىسپەن قامتۋ جول كارتاسىنا بولىنگەن قارجىنىڭ ءتيىمدى جۇمسالۋىن قاتاڭ باقىلاۋعا الۋدى جانە ونىڭ كوزدەلگەن ماقساتقا ساي پايدالانىلۋىن قامتاماسىز ەتۋدىڭ ماڭىزدىلىعىن اتاپ ءوتتى.
وسى رەتتە مەملەكەت باسشىسى ءوندىرىس سالاسىندا جاڭا جۇمىس ورىندارىن اشۋدىڭ قاجەتتىلىگىن ايتتى.
كەزدەسۋ قورىتىندىسى بويىنشا قاسىم-جومارت توقايەۆ ە. دوسايەۆقا ءبىرقاتار ناقتى تاپسىرما بەردى.
پىكىر قالدىرۋ