87 شەتەلدىك ازامات سقو-دا ۋاقىتشا تۇرۋعا رۇقسات الدى، دەپ Polisia.kz حابارلادى.

سولتۇستىك قازاقستاننىڭ 8 مىڭعا جۋىق تۇرعىنى كارانتيندىك شارالاردىڭ سالدارىنان جەكە باستى كۋالاندىراتىن قۇجاتتاردى دەر كەزىندە رەسىمدەي المادى. ولاردىڭ 1700-دەن استامى 16 جاسقا تولعان وبلىس تۇرعىندارى، ياعني وزدەرىنىڭ العاشقى جەكە كۋالىكتەرىن الۋشىلار. ولار 18 مامىردان باستاپ حالىققا قىزمەت كورسەتۋ ورتالىعىندا قۇجاتتارىن رەسىمدەي الادى.

– جارامدىلىق مەرزىمى تج كەزىندە وتكەن جانە ول توقتاتىلعان كۇننەن باستاپ 60 كۇنتىزبەلىك كۇن ىشىندە جەكە باستى كۋالاندىراتىن قۇجاتتار جارامدى دەپ تانىلادى. مەرزىمى وتكەن قۇجاتتاردى 10 شىلدەگە دەيىن اۋىستىرۋ قاجەت، – دەدى سقو پوليسيا دەپارتامەنتى كوشى-قون قىزمەتىنىڭ باسقارماسىنىڭ باسشىسى تالعات ءابىلوۆ.

13 مامىردا كوشى-قون قىزمەتى ورتالىعى، سونداي-اق كوشى-قون قىزمەتىنىڭ اۋماقتىق بولىنىستەرى بارلىق سانيتارلىق نورمالارعا سايكەس بۇرىنعى رەجيمدە جۇمىس ىستەي باستادى، ولارعا بەلگىلى ءبىر مەملەكەتتىك قىزمەتتەردى ءار ءتۇرلى ۋاقىتتا الۋ كەستەسى جاسالدى.

– قازاقستان رەسپۋبليكاسىنىڭ ازاماتتىعىن قابىلداۋ، شىعۋ جانە قالپىنا كەلتىرۋ ماسەلەلەرى بويىنشا تۇسكە دەيىن، ال 14.30-دان كەيىن – تۇراقتى تۇرۋعا رۇقسات الۋعا جۇگىنۋگە بولادى. ۋاقىتشا تۇرۋعا رۇقسات پەن ەڭبەك پاتەنتى جۇمىس كۇنى ىشىندە رەسىمدەلەدى. مۇنداي كەستە ءبىر مەزگىلدە كەلۋشىلەردىڭ سانىن ازايتۋعا مۇمكىندىك بەرەدى، – دەپ اتاپ ءوتتى تالعات ءابىلوۆ.

تج رەجيمى كەزەڭىندە بەلگىلەنگەن مەرزىمدە ەلدەن كەتە الماعان شەتەلدىكتەرگە قانداي دا ءبىر شارالار قولدانىلمايدى. سقو-دا وسىنداي جاعدايدا كارانتين ۋاقىتىندا 1500-گە جۋىق شەتەلدىك قالعان.

– 10 شىلدەگە دەيىنگى مەرزىمدە قوسىمشا قۇجاتتاردى رەسىمدەمەي-اق ق ر تىس جەرگە شىعا الادى. ال قازاقستاندا قالۋدى جوسپارلاعاندار ءوزىنىڭ قۇقىقتىق مارتەبەسىن رەتتەۋىنە، ونىڭ ىشىندە قر-دا ۋاقىتشا تۇرۋعا ارنالعان رۇقساتتى رەسىمدەي الادى. ەڭبەك يمميگرانتتارى ءبىزدىڭ ەلىمىزدىڭ شەگىنەن تىس جەرگە شىقپاستان پاتەنت الۋ ءۇشىن جۇگىنۋىنە بولادى، – دەيدى سقو پد كوشى-قون قىزمەتى باسقارماسىندا.

تج رەجيمى توقتاتىلعاننان كەيىن العاشقى ەكى كۇندە سقو كوشى-قون قىزمەتىنە 120-دان استام ازامات وتىنىشتەرىن تاپسىرعان، ونىڭ ىشىندە 87 شەتەلدىك ازاماتقا ۋاقىتشا تۇرۋعا رۇقسات رەسىمدەدى.