الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن بەينەكونفەرەنس-بايلانىس رەجيمىندە 2020-2021 وقۋ جىلىنا تەحنيكالىق جانە كاسىپتىك ءبىلىمى بار مامانداردى دايارلاۋعا ارنالعان مەملەكەتتىك ءبىلىم بەرۋ تاپسىرىسىن ورنالاستىرۋ جونىندەگى كوميسسيانىڭ وتىرىسى ءوتتى. وتىرىسقا الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا، الەۋمەتتىك ءال-اۋقات، ستراتەگيا مەن بيۋدجەت باسقارمالارىنىڭ، وڭىرلىك كاسىپكەرلەر پالاتاسىنىڭ باسشىلارى، سونداي-اق قوعام مەن ۇەۇ وكىلدەرى قاتىستى. 

وتىرىستىڭ باستى ماقساتى – قالا كوللەدجدەرىندە جۇمىسشى ماماندىقتار كادرلارىن دايارلاۋ ءۇشىن مەملەكەتتىك ءبىلىم بەرۋ تاپسىرىسىنا ەنگەن ماماندىقتار ءتىزىمىن انىقتاۋ. ول ءۇشىن قالالىق ەڭبەك نارىعىنىڭ قاجەتتىلىگى جانە ولاردى الماتى اكىمى باقىتجان ساعىنتايەۆتىڭ مەگاپوليس ەكونوميكاسىنىڭ ءوسۋىنىڭ جاڭا مودەلىن قۇرۋ بويىنشا قويعان مىندەتتەرى ارقىلى كادرلار دايارلاۋ جۇيەسىمەن ۇندەستىرۋ قاراستىرىلعان. قالالىق جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆانىڭ، ءبىلىم باسقارماسىنىڭ تجكب ءبولىمىنىڭ باسشىسى اسەت مۇحانبەتوۆتىڭ اقپاراتى تىڭدالدى.

ەرجان باباقۇماروۆ مەملەكەتتىك ءبىلىم بەرۋ تاپسىرىسىنىڭ تىزىمىنە جاقىن بولاشاقتا وزەكتى بولمايتىن ماماندىقتاردى ەنگىزۋدى سىنعا الدى، قۇرىلىمدىق قايتا قۇرۋدى جانە قالا ەكونوميكاسىن ءارتاراپتاندىرۋدىڭ باسىم باعىتتارىن ەسكەرە وتىرىپ، ەڭبەك نارىعىنىڭ قاجەتتىلىگىنە مۇقيات تالداۋ جۇرگىزۋدى تاپسىردى. ەڭ الدىمەن، قالا ەكونوميكاسىنىڭ قاجەتتىلىگى ءۇشىن جاڭا سۇرانىسقا يە ماماندىقتار بويىنشا بىلىكتى كادرلاردى دايارلاۋ قاجەتتىلىگىنە، ونىڭ ىشىندە سيفرلىق ەكونوميكا، يننوۆاسيالار، كرەاتيۆتى يندۋستريالار، سەرۆيستىك ەكونوميكا، "قاراپايىم زاتتار" ەكونوميكاسى، تۋريستىك سالا جانە باسقالارعا نازار اۋدارىلدى. سونداي-اق كارانتين كەزەڭىندە پايدا بولعان قاجەتتىلىكتەردى ەسكەرە وتىرىپ، مەديسينا قىزمەتكەرلەرىن دايىنداۋعا ەرەكشە كوڭىل ءبولىندى.

"الماتى قالاسىنىڭ اكىمى باقىتجان ساعىنتايەۆ اتاپ وتكەندەي، قالانىڭ مۇقتاجدىقتارى ءۇشىن بىلىكتى كادرلار دايارلاۋ جانە بيۋدجەت قاراجاتىن ءبولۋ ەكونوميكا سالالارىنداعى قاجەتتىلىكتەردىڭ ساپالى بولجامىنا سۇيەنۋى ءتيىس. قالانىڭ ءبىلىم بەرۋ جۇيەسى ناقتى ەكونوميكانى ەڭبەك كادرلارمەن قامتاماسىز ەتۋ مىندەتتەرىن شەشۋى ءتيىس"، - دەپ اتاپ ءوتتى ەرجان باباقۇماروۆ. ءتيىستى باسقارمالارعا جۇمىس بەرۋشىلەرمەن جانە ءبىلىم بەرۋ قۇرىلىمدارىمەن بىرلەسىپ قاجەتتى قۇجاتتاردى پىسىقتاۋ تاپسىرىلدى.