دۇنيەجۇزىلىك دەنساۋلىق ساقتاۋ ۇيىمى بيىلعى قىستا كوروناۆيرۋستىڭ ەكىنشى تولقىنىنا دايىندالۋعا شاقىرادى. بۇل تۋرالى قامشى ءتىلشىسى Daily Telegraph-قا سىلتەمە جاساپ حابارلايدى. 

دۇنيەجۇزىلىك دەنساۋلىق ساقتاۋ ۇيىمىنىڭ باسشىسى كوروناۆيرۋس سانىنىڭ كۇن سايىن تومەندەۋىنە بايلانىستى بوساڭسۋعا بولمايتىنىن ەسكەرتتى. ددۇ ەۋروپالىق ايماعىنىڭ ديرەكتورى دوكتور حانس كلۋگە كوروناۆيرۋستىڭ تۇماۋ سياقتى باسقا دا ماۋسىمدىق اۋرۋلارمەن ۇقساستىعىن، سوعان قاتتى الاڭداۋلى ەكەنىن مالىمدەدى. 

ونىڭ ايتۋىنشا، ءقازىر مەملەكەتتەر كوپ پاسيەنتتەردى قابىلداۋعا دايىن بولۋى ءۇشىن اۋرۋحانا توسەكتەرىن ارتتىرۋ ارقىلى دەنساۋلىق ساقتاۋ جۇيەسىن نىعايتۋدىڭ ۋاقىتى كەلدى.

ددۇ باسشىسىنىڭ ەسكەرتۋى بويىنشا، كۇندەلىكتى جاعداي مەن ءولىم سانى ازايىپ جاتسا دا، ءقازىر بۇكىل ەۋروپادا «مەرەكە ەمەس، دايىندالۋ» ۋاقىتى بولۋ كەرەك.

–بۇل اۋرۋحانالاردا، العاشقى مەديسينالىق كومەك جانە رەانيماسيا بولىمشەلەرىندە الەۋەتتى ارتتىرۋدى ءبىلدىرۋى مۇمكىن،–دەدى ول.

–سينگاپۋر مەن جاپونيا بۇل مەرەكە ەمەس، دايىندىق كەزەڭى ەكەنىن ەرتە ءتۇسىندى. سكانديناۆيا ەلدەرى وسىلاي ىستەپ جاتىر. ولار ەكىنشى تولقىننىڭ پايدا بولۋىن جوققا شىعارمايدى. مەنى ەكى تولقىن قاتتى الاڭداتادى: كۇزدە بىزدە كوۆيدتىڭ ەكىنشى تولقىنى جانە ماۋسىمدىق تۇماۋ نەمەسە قىزىلشانىڭ تاعى ءبىر تولقىنى بولۋى مۇمكىن،– دەدى دوكتور كلۋگە.